Osée 13:6 - Mbeti ti Nzapa - Tënë so amu fini

⁶ Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 13:6 Iomraidhean Croise

Néhémie 9:35

Na ndembe so ala duti na ya ti kodro-gbia ti ala wani awe, na popo ti gba ti anzoni ye so mo mu na ala, na ya ti kota sese so akobe ayeke du daa mingi so mo zia lani na dawa ti ala, ala zia sioni sarango ye ti ala pepe, ala sara kua ti mo pepe.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Jérémie 5:7

“Jérusalem, fade mbi yeke zi siokpari na li ti mo tongana nyen? Amolenge ti mo azia mbi awe; ala yeke deba na iri ti aye so ayeke Nzapa pepe. Mbi mu na ala anzoni ye kue so alingbi; me ala gue na peko ti koli wala wali nde, ala yeke gbugburu tere ti ala na da ti wali-ndumba.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Ezekiel 28:5

Na lege ti kota mayere ti mo na ya ti dengo buze, mo kiri mo wara gba ti mosoro ahon ndoni. Tongaso, be ti mo asuku na baba.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 2:7

Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 4:7

“Awayango-sandaga kue kue kue asara siokpari so ake mbi; fade mbi yeke sara si nengo ti kua ti ala aga kota ye ti kamene.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Osée 8:4

Ala zia agbia na ndö ti mbata, me ala hunda mbi pepe; ala soro amakonzi, me ala tene tënë ni na mbi pepe. Ala mu nginza ti ala na lôro ti ala, ala sara na ayanda. Nzoni lege titene aye ti ala kue abuba laa!

Ndia ti fani use ni 32:18

Azo ti Israel, Kota Têne ti batango ala, lo so lo du ala, ala baa lo tongana senge ye; Nzapa so asara si ala baa gigi, be ti ala agirisa na lo awe!