Osée 13:3 - Mbeti ti Nzapa - Tënë so amu fini

³ Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Osée 13:3 Iomraidhean Croise

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Mbeti ti Job 30:15

Mbeto agbu mbi, mbeto ni azi nengo ti mbi tongana ti so pupu ayeke zi mbeni ye ti hon na ni. Nzoni duti ti mbi ahon tongana mbinda.

Abia (Psaumes) 1:4

Me ti azo ti sioni, ye ni ayeke tongaso pepe: ala yeke tongana poro ti ale ti kobe so a pe ya ni si pupu amu ahon na ni.

Abia (Psaumes) 68:2

Tongana Nzapa ayeke londo, awato ti lo ayeke kangbi kirikiri, azo ti kengo lo ayeke kpe na le ti lo.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Daniel 2:35

Tongaso wen, sese ti sarango na ta, bengba wen, na wen ti nginza na lôro ni kue afâ si aga tongana poro ti ale ti kobe so ayeke na ndö ti lakere na ngoi ti buru: a pe ya ni, pupu amu ahon na ni si zo ahinga ndo so ayeke daa pepe. Ti têne so abo yanda so, têne ni akono aga kota hoto so asi ndö ti sese kue.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Sofonii 2:2

kozoni si mbela ni asi, ngbanga ti so lango ni ayeke hon tongana holengo pere so pupu amu ahon na ni. Ala gbu li ti ala kozoni si sioni ngonzo ti *KOTA GBIA aga na ndö ti ala, kozoni si lango ti ngonzo ti KOTA GBIA aga na ndö ti ala.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.