Osée 13:15 - Mbeti ti Nzapa - Tënë so amu fini

¹⁵ Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Osée 13:15 Iomraidhean Croise

Tongo nda ti aye 41:23

Na pekoni, mbi baa ali ti ble so ale ni akpengba kpengbango, ange ngengo asigigi. Pupu ti wâ ti To azö ni si ahole kue.

Tongo nda ti aye 41:52

Lo di iri ti use molenge ni Efraim, ngbanga ti so lo tene na be ti lo, lo tene: “Nzapa asara si mbi ga zo ti dungo ni na sese so a sara pasi na mbi.”

Tongo nda ti aye 41:6

Na pekoni, lo baa ambeni li ti ble mbarambara so ange ngengo asigigi; pupu ti wâ ti To azö ni si ahole kue.

Tongo nda ti aye 48:19

Babâ ti lo ni ake si atene: “Mbi hinga, molenge ti mbi! Mbi hinga! Fade ahale ti Manase ayeke ga kota mara. Lo nga lo yeke ga kota zo. Me ngambe ti lo ayeke ga kota ahon lo. Fade ahale ti ngambe ni ayeke ga amara mingi mingi.”

Tongo nda ti aye 49:22

Joseph ayeke tongana mbeni keke so ayeke le mingi, keke so ayeke na tere ti li ti ngu. Amaboko ti keke ni ayeke hon na ndö ti gbagba ti kodro.

Mbeti ti Job 18:16

Lo yeke ga tongana keke so na gbe ni, agunda ni ahole; na li ni, amaboko ni ahole nga.

Abia (Psaumes) 1:4

Me ti azo ti sioni, ye ni ayeke tongaso pepe: ala yeke tongana poro ti ale ti kobe so a pe ya ni si pupu amu ahon na ni.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Ésaïe 14:21

Ala leke tere ti ala ti fâ amolenge ndali ti sioni so ababâ ti ala asara. Alingbi ala kiri alondo ti mu sese pepe, alingbi ala kiri ti sara si agbata asi singo na ndö ti dunia so pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 27:8

Ên-en! Me lo fâ ngbanga na li ti ala, lo tumba ala, ala gue na kodro wande. Na lege ti ngangu pupu ti yanga ti lo, na mbeni lango ti pupu ti To, lo tumba ala.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Jérémie 20:5

Amosoro ti gbata ni kue, aye ti peko ti kua ti azo ti gbata ni, aye ti ala ti ngangu ngere nga na amosoro kue ti agbia ti Juda, mbi yeke zia ni na maboko ti awato ti ala. Awato ni ayeke nzi aye ni si ala yeke ro ti gue na ni na Babilone.

Jérémie 4:11

Na ndembe ni so, fade *KOTA GBIA ayeke tene na azo ti Jérusalem, lo tene: “Pupu ti wâ alondo na li ti ahoto, na benyama ti ya na ndö ti azo ti mbi; pupu ni ayeke pupu ti pengo ya ti ale ti kobe pepe, wala ti sukulango ale ti kobe pepe.

Jérémie 4:12

Me pupu ni ayeke ngangu pupu so alondo kâ si ayeke ga; mbi laa mbi mu yanga titene pupu ni aga. Fadeso mbi ga nduru ti fâ ngbanga na li ti ala awe.”

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Ezekiel 17:10

So a lu vinye ni nzoni awe so, lo yeke mai ande laa? Gi so pupu ti To ayeke ya na ndö ti lo, fade lo yeke hole kasakasa pepe? Na ndö ti sese so lo lingbi fade ti kono daa, lo yeke hole.’ ”

Ezekiel 19:12

Me na lege ti ngonzo, a gboto keke ti vinye ni, abi na sese. Pupu ti To asara si ale ni ahole, atuku na sese. Akpengbango maboko ni ahole si wâ agbi ni kue.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Osée 4:19

Fade pupu ayeke rule ala ti hon na ala si kamene ayeke sara ala ndali ti asandaga so ala yeke mu ni so.

Osée 9:11

Fadeso, gonda ti azo ti Efraim ayeke huru ti hon tongana ti so ndeke ayeke huru: awali ti ala ayeke kiri ti du pepe, ala yeke kiri ti duti na ngo pepe, ala yeke kiri ti mu ngo pepe.

Jonas 4:8

Na pekoni, so lâ asigigi awe, Nzapa asara si mbeni kota pupu ti To so ayeke wâ mingi alondo si ayeke ya ngangu ngangu. Lâ asu Jonas ngangu, angba kete ka lo hon na ndö ti yingo ti lo. Jonas airi kuâ na tere ti lo, lo tene: “Titene mbi kui, ayeke nzoni ahon titene mbi ngba na fini.”

Nahum 2:9

Ninive ayeke ando tongana mbeni ndo ti batango ngu so ngu ayeke daa gbani gbani, me fadeso, ngu ni ayuru kue awe. Azo ti Ninive kue ayeke kpe ti hon. Azo ayeke dekongo, atene: “Ala luti! Ala luti!”, me zo oko abi le ti lo ti baa ndo na peko pepe.

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”