Osée 13:13 - Mbeti ti Nzapa - Tënë so amu fini

¹³ Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Osée 13:13 Iomraidhean Croise

2 Agbia 19:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Abia (Psaumes) 48:6

Gi so ala baa KOTA GBIA awe, be ti ala ado, mbeto agbu ala ahon ndoni si ala kpe kirikiri.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ésaïe 13:8

Kota mbeto agbu ala, gere ti ala akui, ya ti tere ti ala aso songo. Ala yeke ba tere ti ala tongana wali so ayeke du molenge. Ala yeke baa le ti tere si li ti ala kue akpe, le ti ala kue gi na ngonzo.

Ésaïe 21:3

Ndani laa tere ti mbi ayeke do na mbeto, tere ti mbi ayeke so tongana ti wali so aga nduru ti du. Ye so mbi ma so asara si li ti mbi aga kirikiri, ye so mbi baa so azia kota mbeto na be ti mbi.

Ésaïe 26:17

KOTA GBIA, e yeke na dawa ti mo tongana mama ti ngo so aga nduru ti du, lo yeke baa pasi si na ya ti songo tere, lo yeke dekongo.

Ésaïe 37:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Ésaïe 66:9

KOTA GBIA, Nzapa ti mo atene: “Mbi so mbi sara si wali ayeke yo ngo ngbii ya ti lo akono, fade mbi yeke gbanzi lo ti du? Mbi so mbi sara si wali adu molenge, fade mbi yeke kanga lege na lo ti du?”

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 30:6

Ala hunda ndo si ala baa ndo: Koli adu molenge laoko awe? Me ngbanga ti nyen si mbi baa akoli kue azia maboko na ndö ti ngbonda ti ala tongana wali na ndembe ti dungo ni so? Ngbanga ti nyen si le ti ala kue gi na mawa so?

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 49:24

Be ti azo ti Damas awoko kue awe, ala turne tere ti ala ti kpe ti hon, ala yeke do na mbeto. Be ti ala afun kue si ala yeke baa pasi tongana wali na ndembe ti dungo ni.

Osée 5:4

Sarango ye ti ala akanga lege na ala ti kiri na Nzapa ti ala, ngbanga ti so pupu ti sarango ye ti ndumba ayeke ya na popo ti ala si ala hinga KOTA GBIA pepe.

Jean 16:21

Tongana ngbonga ti dungo ti wali aga nduru, lo yeke na vundu, ngbanga ti so lango ti pasi ti lo asi awe. Me tongana lo du molenge ni awe, lo girisa pasi ti lo; be ti lo ayeke na ngia, ngbanga ti so lo du molenge na sese awe.

Jean 5:4

ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

2 Korente 6:2

Biani, Nzapa atene: “So ngoi ni alingbi, mbi sara na mo ye so mo hunda. So lango ti songo azo na kuâ alingbi, mbi mu na mo maboko.” Baa, taa nzoni ngoi ni alingbi awe, taa lango ti songo azo na kuâ alingbi awe.

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.