Osée 13:11 - Mbeti ti Nzapa - Tënë so amu fini

¹¹ Na ya ti ngonzo ti mbi, mbi mu na mo mbeni gbia; na ya ti sioni ngonzo ti mbi, mbi zi lo na maboko ti mo.

Osée 13:11 Iomraidhean Croise

Amato 28:2

Tongana wusuwusu ayeke na ya ti kodro, amakonzi ayeke daa mingi; me tongana gbia ti kodro ayeke zo ti hingango ye si lo yeke na ndara, fade kodro ni ayeke duti kpoo si aluti mbirimbiri.

Osée 10:3

Ti fadeso ala yeke tene: “E yeke na gbia pepe, ngbanga ti so e yeke kpe mbeto ti KOTA GBIA pepe. Ataa e yeke fade na gbia ni, nyen laa lo lingbi ti sara ndali ti e, nyen?”

Osée 10:7

Ti Samarii na gbia ti lo ahunzi awe: gbia ti lo aga tongana nduru keke so ayeke sua na le ti ngu.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 8:4

Ala zia agbia na ndö ti mbata, me ala hunda mbi pepe; ala soro amakonzi, me ala tene tënë ni na mbi pepe. Ala mu nginza ti ala na lôro ti ala, ala sara na ayanda. Nzoni lege titene aye ti ala kue abuba laa!

1 Samuel 10:17

Samuel airi azo ti Israel ti bongbi na Mispa na dawa ti *KOTA GBIA.

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 12:1

Samuel atene na azo ti Israel kue: “Atënë so kue ala tene na mbi so, mbi ma ni awe. Nilaa mbi mu na ala gbia titene lo duti na li ti ala.

1 Samuel 12:13

Fadeso, baa gbia so ala soro so laa; gbia so ala hunda so laa. KOTA GBIA amu na ala gbia awe.

1 Samuel 15:26

Samuel atene na Saul: “Mbi na mo, e yeke kiri legeoko pepe. Mo ke yanga ti KOTA GBIA si lo nga lo ke mo awe. Mo yeke gbia ti Israel mbeni pepe.”

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”