Osée 13:10 - Mbeti ti Nzapa - Tënë so amu fini

¹⁰ Tongaso, gbia ti mo ni ayeke na ndo wa titene lo soo mo na kuâ? Na ya ti agbata ti mo kue, azo ti li ni ayeke na ndo wa, ala so lani mo yeke tene tënë ti ala, mo tene: ‘Mu na mbi mbeni gbia na amakonzi’ so?

Osée 13:10 Iomraidhean Croise

1 Agbia 12:20

So azo ti Israel ti mbage ti Banga kue ama a tene, Yeroboam akiri awe, ala tokua ti iri lo ti ga na ya ti kota bongbi ti ala. Ala mu lo ti ga gbia na ndö ti Israel kue. Gi azo ti mara ti Juda oko laa angba na gbe ti komandema ti azo ti sewa ti David.

2 Agbia 17:4

Me mbeni lâ, gbia ti Asirii ama a tene, Osée aleke tënë na hondengo ni na tere ti lo. Biani, Osée atokua azo na Sö, gbia ti Ezipte, nilaa lo ke ti futa lapo na gbia ti Asirii tongana ti so lo yeke sara kozoni na ngu oko oko. Tongaso Salmanasar agbu Osée si abi lo na da ti kanga.

Abia (Psaumes) 10:16

KOTA GBIA ayeke gbia kpu na kpu; amara nde angba na ya ti kodro ti lo mbeni pepe.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Abia (Psaumes) 44:4

Ndali ti yongoro zeme ti ala si ala mu sese ni pepe; ndali ti ngangu ti ala si ala so benda pepe. Me ngangu ti mo, maboko ti mo laa asara ye ni, ndali ti so mo baa ala na nzoni le si mo ye ala.

Abia (Psaumes) 74:12

Nzapa, mo yeke gbia ti mbi ngbene ye giriri; mo laa mo zi azo ti kodro so na ya ti pasi.

Abia (Psaumes) 89:18

Biani, mo laa mo yeke ngangu ti ala na gonda ti ala; na lege ti nzoni be ti mo, mo sara si e mu li ti e na nduzu.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 43:15

Mbi yeke KOTA GBIA, Nzapa ti ala so ayeke nde si ayeke nzoni kue, lo so lo sara Israel, Gbia ti ala.”

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Jérémie 8:19

Na ya ti mbeni kodro yongoro, azo ti mbi ayeke dekongo; ala yeke iri ndo titene a mu maboko na ala, ala tene: “KOTA GBIA ayeke na *Sion mbeni pepe? Gbia ti Sion ayeke daa mbeni pepe?” “Ngbanga ti nyen si azo so agi yanga ti mbi na vorongo anzapa ti awande so? Andaa so ayeke gi abuba ye so awande aleke ni.”

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Osée 10:3

Ti fadeso ala yeke tene: “E yeke na gbia pepe, ngbanga ti so e yeke kpe mbeto ti KOTA GBIA pepe. Ataa e yeke fade na gbia ni, nyen laa lo lingbi ti sara ndali ti e, nyen?”

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 7:7

Ala kue amu wâ tongana fur, ala fâ akota zo ti ala ahunzi ala; agbia ti ala kue ati awe, mbeni zo oko na popo ti ala ti iri mbi ayeke daa pepe.

Osée 8:4

Ala zia agbia na ndö ti mbata, me ala hunda mbi pepe; ala soro amakonzi, me ala tene tënë ni na mbi pepe. Ala mu nginza ti ala na lôro ti ala, ala sara na ayanda. Nzoni lege titene aye ti ala kue abuba laa!

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

1 Samuel 8:7

KOTA GBIA atene na Samuel: “Atënë so kue azo ni ayeke tene, mo ma ni. Mo laa ala ke mo pepe, me mbi. Ala ye titene mbi kiri mbi le-gbia na ndö ti ala pepe.