Osée 13:1 - Mbeti ti Nzapa - Tënë so amu fini

¹ Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Osée 13:1 Iomraidhean Croise

Tongo nda ti aye 2:17

Me le ti keke ti hingango nzoni na sioni so, mo te ni pepe, ngbanga ti so na lango so mo yeke te ni, mo yeke kui biani.”

1 Agbia 12:25

Yeroboam asara ngangu gbagba na tere ti gbata ti Sishem si lo duti daa; gbata ti Sishem ayeke na sese ti Efraim, ndo so ahoto ayeke daa. Na pekoni, lo londo na Sishem si lo gue, lo sara ngangu gbagba na tere ti gbata ti Penuel.

Mbeti ti Job 29:21

Na ngoi ni kâ, azo ayeke ma tënë ti mbi, ala yeke ku mbi, ala yeke duti kpoo ti ma wango ti mbi.

Mbeti ti Job 29:22

Tongana tënë ti mbi ahunzi awe, zo ti dengo kite ni ayeke daa pepe. Tënë ti mbi ayeke ti oko oko na ndö ti ala.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Ésaïe 7:8

Biani, Damas ayeke li-kodro ti Sirii, Resen ayeke gbia gi na Damas. Angba ngu baleomene na oku titene azo aga ti buba sese ti Efraim kue; Efraim ayeke kiri ti ngba mara pepe.

Osée 11:2

Me na pekoni, so mbi yeke iri ala, ala yeke hon gi hongo yongoro na tere ti mbi. Ala mu *sandaga na anzapa *Baal, ala zö dukani na ayanda.

Osée 2:10

“Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Osée 8:4

Ala zia agbia na ndö ti mbata, me ala hunda mbi pepe; ala soro amakonzi, me ala tene tënë ni na mbi pepe. Ala mu nginza ti ala na lôro ti ala, ala sara na ayanda. Nzoni lege titene aye ti ala kue abuba laa!

Wungo ti azo 10:22

Na pekoni, azo ti mara ti Efraim na aturugu ti ala laa alondo ti hon; ala yeke tambula na peko ti bendere ti mara ti ala. Makonzi ti aturugu ti ala ayeke Elishama, molenge ti Amihud.

Wungo ti azo 13:16

So ayeke iri ti akoli so Moïse atokua ala ti bembe ndo na ya ti kodro ti Kanaan laa. Moïse amu na Hose, molenge ti Nune iri ti Josué.

Wungo ti azo 13:8

Hose, molenge ti Nune, zo ti mara ti Efraim;

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Rome 5:12

Siokpari aga na ndö ti dunia so na lege ti zo oko, Adam, si na lege ti siokpari, kuâ aga. Tongaso kuâ amu azo kue, ngbanga ti so azo kue asara siokpari awe.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Josué 3:7

KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Awafango-ngbanga 12:1

Azo ti Efraim abongbi tere ti ala, ala gue, afâ ngu ti Jourdain, ala si na Safon. Ala tene na Yefte: “Ngbanga ti nyen laa mo gue, mo sara bira na azo ti Amon si mo iri e pepe titene e na mo, e gue pepe so? E yeke gbi mo na da ti mo kue.”

Awafango-ngbanga 8:1

Azo ti Efraim atene na Gédéon: “Mo sara mara ti ye tongaso na e ngbanga ti nyen? Na guengo ti mo ti sara bira na azo ti Madian, mo iri e ti mu maboko na mo pepe ngbanga ti nyen?” Ala suku na lo ngangu mingi.

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.