Osée 12:9 - Mbeti ti Nzapa - Tënë so amu fini

⁹ Mo tene ti mo, mo tene: ‘Taa-tënë, mbi wara mosoro mingi, mbi wara anzoni ye mingi. Me na ya ti aye so kue mbi wara so, zo oko alingbi ti wara sioni wala siokpari daa pepe.’

Osée 12:9 Iomraidhean Croise

Tongo nda ti aye 25:27

Amolenge-koli ni akono. Ezau aga mbeni kpengba zo ti gingo nyama so ayeke tambula na ya ti ngonda. Jacob ayeke ti lo zo so ayeke kpoo; lo yeke duti na ya ti ada ti bongo.

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

Esdras 3:4

Azo ti Israel asara matanga ti Akpangba, alingbi na tënë so a su na mbeti. Na ya ti lango oko oko, ala ya na Nzapa asandaga so a yeke gbi ni kue na wâ, alingbi na wungo ni so ndia afa.

Abia (Psaumes) 49:7

Azo ni azia be ti ala na ndö ti gba ti ye so ala yeke na ni, ala yeke pika kate ti ala ndali ti mosoro ti ala.

Abia (Psaumes) 81:10

Fade mbeni nzapa nde ayeke duti na sese ti mo pepe, fade mo yeke kuku ti voro mbeni nzapa nde pepe.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Jérémie 35:7

Ala yeke sara ada pepe, ala yeke lu ale ti kobe pepe, ala yeke fâ yaka ti *vinye pepe, ala yeke mu yaka ti vinye pepe ti ga ti ala. Me fade ala yeke lango na ya ti ada ti bongo na lango ti fini ti ala kue; tongaso si fade ala yeke lango aninga na ndö ti sese so ala yeke duti daa.’

Jérémie 5:27

Tongana sakpa so ya ni asi na andeke, ya ti da ti ala asi singo na aye ti handa. Lege so ala yeke ga akota zo na azo ti mosoro laa.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Awayango-sandaga 19:36

Alingbi ala mu kilo so ayeke na legeni, sembe ni nga na aye ti hakango na ye so ayeke na legeni ti haka na ye na azo. Mbi laa mbi yeke KOTA GBIA, Nzapa ti ala so mbi mu ala na kodro ti Ezipte, mbi sigigi na ala.

Awayango-sandaga 26:13

Mbi laa mbi yeke KOTA GBIA, Nzapa ti ala. Mbi mu ala na sese ti Ezipte, mbi sigigi na ala titene ala kiri aduti ngbaa ti azo ti Ezipte pepe. Mbi zi ala na gbe ti ngbaa titene ala tambula li ti ala na nduzu.”

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Zakarii 11:5

Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.

Wungo ti azo 15:41

Mbi yeke KOTA GBIA Nzapa ti ala; mbi laa mbi sara si ala sigigi na kodro ti Ezipte titene mbi duti Nzapa ti ala. Mbi yeke KOTA GBIA Nzapa ti ala.”

Jean 7:2

Matanga ti azuife so ayeke matanga ti Akpangba aga nduru awe.