Osée 12:6 - Mbeti ti Nzapa - Tënë so amu fini

⁶ KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Osée 12:6 Iomraidhean Croise

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

Abia (Psaumes) 123:2

*KOTA GBIA, Nzapa ti e, le ti e kue ayeke gi na mbage ti mo, tongana ti so le ti angbaa ayeke baa gi maboko ti awa ti ala so, wala tongana ti so ngbaa-wali ayeke baa gi maboko ti wa ti lo so. KOTA GBIA, e yeke baa ndo na mbage ti mo, ngbii mo baa mawa ti e si.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 37:7

Duti kpoo na tere ti KOTA GBIA, mo zia be ti mo ti ku lo. Zo so ayeke sara ye na lege ti mayere si ye ti lo aga nzoni, mo sara ngonzo na tere ti lo pepe.

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Amato 1:23

So mbi yeke gboto mê ti ala so, ala ma ni si! Tongana ala ma ni, fade mbi yeke sara si yingo ti mbi aga na ndö ti ala, mbi yeke sara si ala hinga tënë ti mbi.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Ésaïe 1:16

Ala sukula tere ti ala, ala sara titene ala ga *nzoni! Asioni ye so ala sara, ala zi ni na le ti mbi, ala zia ti sara sioni.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 22:15

Na lege ti sarango da na keke ti sedre si mo ye ti fa atene, mo hinga ti le-gbia? Babâ ti mo ate, anyon ando, lo fâ ngbanga mbirimbiri si lo sara ye ti mbirimbiri; so asara si lo baa nzoni mingi.

Ezekiel 18:30

Ndani laa, ala azo ti Israel, fade mbi yeke fâ ngbanga na li ti zo oko oko alingbi na lege ti sarango ye ti lo; so tënë ti yanga ti mbi, Kota Gbia NZAPA laa. Ala zia ngbene lege ti sarango ye ti ala, ala zia lege ti asioni ye so kue ala yeke sara. Tongaso si ye so ayeke sara titene ala ti, aduti daa mbeni pepe.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Amos 5:24

Me ayeke nzoni fango ngbanga na lege ti ndia asua tongana ngu si fango ngbanga ti mbirimbiri asua tongana ngu so ayeke hole laoko pepe.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Zakarii 1:3

nilaa fade mo yeke tene na ala: Tënë so KOTA GBIA so ayeke na ndö ti dunia kue atene ayeke so: Ala kiri na mbage ti mbi – so tënë ti yanga ti KOTA GBIA so ayeke na ndö ti dunia kue laa – si fade mbi yeke kiri na mbage ti ala; tënë so KOTA GBIA so ayeke na ndö ti dunia kue atene laa.

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.