Osée 12:3 - Mbeti ti Nzapa - Tënë so amu fini

³ KOTA GBIA ayeke na ngbanga na azo ti Juda; lo yeke ga ti kiri peko ti sioni na Jacob ndali ti dutingo ti lo, lo yeke futa lo alingbi na sioni sarango ye ti lo.

Osée 12:3 Iomraidhean Croise

Tongo nda ti aye 25:26

Ita ti lo asigigi na peko ti lo; lo gbu ngbonda ti gere ti Ezau. A di iri ti lo Jacob. Na ndembe so a du amolenge so, Isaac ayeke na ngu baleomene.

2 Agbia 17:18

Tongaso KOTA GBIA asara ngonzo mingi na tere ti azo ti Israel; lo tumba ala yongoro na tere ti lo. Gi azo ti mara ti Juda laa angba.

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

2 Agbia 17:23

Nilaa KOTA GBIA atumba ala yongoro na tere ti lo alingbi na tënë so lo tene na lege ti azo ti kua ti lo so kue ayeke awayanga-Nzapa. Tongaso a mu azo ti Israel na sese ti ala wani, a gue na ala na kodro ti Asirii, ndo so ala ngba daa ngbii asi laso.

Jérémie 2:9

Ndani laa, mbi yeke gue na ala na gbe ti ngbanga; mbi yeke gue nga na *ahale ti ala na gbe ti ngbanga; so tënë ti yanga ti KOTA GBIA laa.”

Ezekiel 7:3

Israel, fadeso, ti mo ahunzi awe! Mbi yeke tokua ngonzo ti mbi na ndö ti mo, mbi yeke fâ ngbanga na li ti mo alingbi na lege ti sarango ye ti mo. Asioni ye so mo sara si zo alingbi ti baa na le ti lo fani use pepe so, mbi yeke futa mo alingbi na ni.

Ezekiel 7:8

Fadeso, fafadeso, mbi yeke tuku ngonzo ti mbi ti wâ na ndö ti ala; mbi yeke tuku ngonzo ti mbi na ndö ti ala ngbii be ti mbi ade si. Mbi yeke fâ ngbanga na li ti ala alingbi na sarango ye ti ala. Asioni ye so ala sara si zo alingbi ti baa na le ti lo fani use pepe so, mbi yeke futa ala alingbi na ni.

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Mishe 6:2

Ala ahoto, ala agere ti sese so ayeke yingi pepe so, ala ma tënë so: KOTA GBIA ayeke na ngbanga na azo ti lo, lo ye ti bi tënë na li ti azo ti Israel;

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.