Osée 12:12 - Mbeti ti Nzapa - Tënë so amu fini

¹² Azo ti Galaad ayeke taa azo ti sarango sioni; mbeni zo ti ala akiri angba pepe. Na Gilgal, ala mu *sandaga ti akoli-bagara gbani gbani; me fadeso agbalaka ti ala ayeke tongana gba ti atêne na yaka.”

Osée 12:12 Iomraidhean Croise

Tongo nda ti aye 27:43

Tongaso, molenge ti mbi, ma mbi. Londo, mo kpe na ndo ti ita ti mbi Laban, na kodro ti Haran.

Tongo nda ti aye 30:26

Mu na mbi awali ti mbi na amolenge ti mbi, mbi mu lege, mbi gue. Ndali ti awali ni laa mbi sara kua na mo. Mo hinga kua so kue mbi sara na ndo ti mo.”

Tongo nda ti aye 31:41

Mbi sara ngu baleuse na da ti mo; ngu baleoko na osio, mbi sara kua na mo ndali ti amolenge ti mo ti wali use so. Mbi sara kua ngu omene ti wara ataba na angasa. Me mo sanze futa ti mbi fani baleoko.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 6:8

Galaad ayeke mbeni gbata ti azo ti sarango sioni, mene asi singo na ya ni.

Ndia ti fani use ni 26:5

Zo so aga na akobe ni ayeke tene na le ti KOTA GBIA, atene: “Kotara ti mbi ayeke ando zo ti mara ti Aram so ayeke si ge, asi kâ. Lo gue na sese ti Ezipte, lo sara kodro kâ; azo so amu peko ti lo ayeke mingi pepe. Na pekoni, ala ga kota mara, ngangu mara nga na mara so awu mingi.