Osée 12:10 - Mbeti ti Nzapa - Tënë so amu fini

¹⁰ Me ti mbi, ti to nda ni na sese ti Ezipte ngbii asi fadeso, mbi yeke KOTA GBIA, Nzapa ti mo. Fade mbi yeke kiri ti sara si mo lango na gbe ti da ti bongo tongana ti alango so lani mbi na mo, e wara tere so.

Osée 12:10 Iomraidhean Croise

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Jérémie 19:1

Tënë so *KOTA GBIA atene ayeke so: “Gue na ndo ti wasarango-ta, mo vo ta ti sese. Mo mu na tere ti mo ambeni *kangba na popo ti azo ti kodro nga na ambeni kangba na popo ti awayango-sandaga.

Jérémie 19:10

“Na pekoni, fade mo yeke bo ya ti ta ni na sese na le ti azo so amu peko ti mo;

Jérémie 25:4

KOTA GBIA amu ngoi ti lo kue ti tokua na ala azo ti kua ti lo so kue ayeke awayanga-Nzapa. Me ala, azo ti Juda, ala ma pepe; ala ke ti dingi mê ti ala ti ma.

Jérémie 7:25

Ti londo na lango so akotara ti ala asigigi na sese ti Ezipte ngbii asi laso, mbi mu ngoi ti mbi ti tokua na ala azo ti kua ti mbi kue so ayeke awayanga-Nzapa. Na ya ti lango oko oko, mbi yeke tokua ala.

Ezekiel 17:2

“*Molenge ti zo, mo fa mbeni *mato na azo ti Israel; mo tene na ala mbeni toli.

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Awayango-sandaga 23:42

Na ya ti lango mbarambara so, ala azo ti Israel, alingbi ala lango na gbe ti akpangba.

Amos 7:14

Amos akiri tënë na Amasia, atene: “Mbi yeke wayanga-Nzapa pepe, mbi yeke nga na ya ti mbeni bongbi ti awayanga-Nzapa pepe; kua ti mbi ayeke ti batango anyama, ti lekengo tere ti akeke ti sikomor.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.