Osée 11:8 - Mbeti ti Nzapa - Tënë so amu fini

⁸ “Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Osée 11:8 Iomraidhean Croise

Tongo nda ti aye 14:8

Tongaso agbia ti Sodome na ti Gomore, ti Adma, ti Seboim, na ti Bela, so ti tene Soar aleke tere ti ala ti tiri bira

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

1 Agbia 3:26

Wali so molenge ti lo ti koli angba na fini so aye molenge ni mingi. Lo tene na gbia: “Gbia, mbi gbu gere ti mo, molenge so angba na fini so, ala mu lo na wali so, ala fâ lo pepe!” Me mbeni wali ni so atene: “Ala fâ ya ti molenge ni use! Tongaso si lo lingbi ti duti ti mbi pepe wala ti lo nga pepe.”

2 Agbia 13:23

Me KOTA GBIA asara nzoni be na azo ti Israel, lo baa mawa ti ala; lo kiri na mbage ti ala ndali ti *mbuki so lo sara na Abraham, Isaac na Jacob. Nilaa lo ye ti fâ ala kue pepe. Na ngoi so, ade lo tumba ala yongoro na tere ti lo pepe.

2 Mbai 36:15

KOTA GBIA, Nzapa ti akotara ti ala amu ngoi ti lo kue ti tokua azo ti gboto mê ti ala, ngbanga ti so lo baa mawa ti azo ti lo nga na da ti lo wani so ayeke nde si ayeke nzoni kue.

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Ésaïe 16:11

Ndani laa mbi yeke toto na vundu ndali ti Moab tongana kundi so atoto. Be ti mbi aso mingi ndali ti Kir-Heres.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Jérémie 18:8

Me tongana azo ti mara ni azia lege ti sioni so ala sara si azia ngonzo na be ti mbi so, sioni ye so mbi leke na be ti mbi ti sara na ala, mbi yeke zia lege ni.

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Jérémie 42:10

‘Tongana ala yeda ti ngba na ya ti kodro so, fade mbi yeke kiri ti leke ala na nduzu, mbi yeke kiri ti kungbi ala na sese pepe; mbi yeke kiri ti lu ala tongana ti so a yeke lu keke, mbi yeke kiri ti gboto ala pepe. Fade mbi yeke zia lege ti sioni ye so mbi sara na ala.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Jérémie 9:7

Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Abia ti demango tere 1:20

KOTA GBIA, mo baa, pasi ti mbi ahon ndoni; akamba ti ya ti mbi kue ayeke do dongo; be ti mbi kue ayeke yingi yingingo, ngbanga ti so mbi sara ngangu li ahon ndoni. Kâ na gigi amolenge ti mbi akui; ge na ya ti da, gi kuâ na kuâ.

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

Abia ti demango tere 3:33

Ti zia zo na ya ti pasi wala ti zia vundu na be ti zo, so laa anzere na be ti lo pepe.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Ezekiel 6:9

Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 7:3

*KOTA GBIA azia lege ti ye so lo ye ti sara so si lo tene: “Ye ni so ayeke si ande pepe.”

Amos 7:6

*KOTA GBIA azia lege ti ye so lo ye ti sara so si lo tene: “Ye ni so nga ayeke si ande pepe.”

Mishe 5:3

Lo yeke londo ti bata azo ti lo na ngangu ti KOTA GBIA, lo yeke bata ala na nengo ti iri ti KOTA GBIA, Nzapa ti lo. Fade azo ti mara ti lo ayeke duti na siriri. Biani, lo yeke ga kota zo na ndö ti azo kue ngbii asi na nda ti sese kue.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Ndia ti fani use ni 29:22

“*Sufre, wâ na ingo agbi kodro so kue awe! Zo alingbi ti fâ yaka daa pepe, kobe alingbi ti ko daa pepe. Pere oko ayeke mai daa pepe. Ye ni ayeke tongana ti Sodome na Gomore, ti Adma na Seboim, agbata so KOTA GBIA abuba ni lani na lege ti ngonzo ti lo nga na ngonzo ti lo ti wâ.”

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”

Aye so Nzapa afa 18:18

ala luti yongoro si na bango gbata ni so ayeke gbi si guru ni ayeke sigigi so, ala dekongo, atene: “Ae, azo! Gbata wa laa alingbi fade na Babilone, kota gbata so?”

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.