Osée 11:6 - Mbeti ti Nzapa - Tënë so amu fini

⁶ Ndani laa, fade bira ayeke londo ngangu na ya ti agbata ti ala, bira ni ayeke kungbi angbongboro wen so ala kanga na ayanga ti agbata ni; bira ni ayeke buba asioni ye so azo ni aleke na be ti ala ti sarango ni.

Osée 11:6 Iomraidhean Croise

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Abia (Psaumes) 106:43

Fani mingi KOTA GBIA azi ala, me ala ngba lakue ti sara gi ngangu li, ala yeke linda lindango na ya ti sioni ti ala.

Ésaïe 18:5

Kozo titene a fâ ale ti kobe, tongana kongo ti vinye asigigi awe, tongana kongo ni aga le ti vinye si ato nda ti be, a yeke mu nzenze ti fâ na akete maboko ti keke so aduti senge senge na tere ti keke ni, a yeke zi *aguruma ni nga na akugbe ni.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 30:1

Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.

Ésaïe 9:14

*Akangba na akota zo ti kodro, li ni laa; awayanga-nzapa ti mvene, damba ni laa.

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Jérémie 50:35

“Bira aga na tere ti Babilone, na tere ti azo ti Babilone, na akota zo ti kodro ti ala nga na azo ti ala so ayeke na ndara! So tënë ti yanga ti *KOTA GBIA laa.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 10:6

Fade a yeke mu nga kete bagara ni, a hon na lo na sese ti Asirii ti mu na kadoo na ne-ne gbia. Fade kamene ayeke gbu azo ti Efraim si kamene ayeke sara azo ti Israel ndali ti ye so ala leke na be ti ala ti sarango ni so.

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Osée 4:17

Azo ti Efraim abongbi na ayanda; zia ala!

Awayango-sandaga 26:25

Ndali ti mbuki ti mbi so ala buba ni, fade mbi yeke tokua bira na tere ti ala, ala yeke honde tere ti ala na ya ti agbata ti ala, me mbi yeke tokua sioni kobela ti bubango kodro na tere ti ala si mbi yeke zia ala na maboko ti awato ti ala.

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Mishe 5:11

Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.

Ndia ti fani use ni 28:52

Azo ni ayeke ngoro ala na bira na ya ti agbata kue ti kodro so KOTA GBIA Nzapa ti ala ayeke mu na ala. Azo ni ayeke tiri na ala ngbii ayongoro ngangu gbagba ti ala so ala zia be ti ala na ndö ni so akungbi na sese.

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’