Osée 11:4 - Mbeti ti Nzapa - Tënë so amu fini

⁴ Mbi fa lege na lo na nzoni be, na lege ti kamba ti yengo tere. Mbi sara na lo tongana zo so ayo kete molenge ti lo aga na lo nduru na tere ti ngbangba ti lo; mbi yeke mu kobe ti tengo ni na Efraim.

Osée 11:4 Iomraidhean Croise

2 Samuel 7:14

Fade mbi yeke duti babâ ti lo si lo yeke duti molenge ti mbi. Tongana lo sara sioni, mbi yeke pika lo na zaza tongana ti so babâ ayeke pika molenge ti lo.

Abia (Psaumes) 105:40

Ala hunda lo, lo sara si adodoro aga; lo mu na ala kobe so alondo na yayu, ala te ya ti ala asi.

Sigingo 16:32

Moïse atene: “Baa, yanga so KOTA GBIA amu ayeke so: ‘Ayeke nzoni ala zia mane asi ya ti ta oko; fade ala bata ni ndali ti *ahale ti ala titene ala baa ni si ala hinga kobe so mbi mu ando na ala ti te na benyama, na ndembe so mbi sara si ala sigigi na kodro ti Ezipte.’ ”

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Awayango-sandaga 26:13

Mbi laa mbi yeke KOTA GBIA, Nzapa ti ala. Mbi mu ala na sese ti Ezipte, mbi sigigi na ala titene ala kiri aduti ngbaa ti azo ti Ezipte pepe. Mbi zi ala na gbe ti ngbaa titene ala tambula li ti ala na nduzu.”

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Ndia ti fani use ni 32:12

Biani, Nzapa oko laa afa lege na azo ti lo, mbeni nzapa nde ayeke na tere ti lo pepe.

Ndia ti fani use ni 32:14

Lo sara si ala nyon ngu ti me ti abagara na ti ataba; ala te kasa ti mafuta ti akete taba, ti akoli-taba ti sese ti Bashan na ti akoli-ngasa, ala te pendere *ble, ala nyon vin so abe tongana mene si aso mingi.