Osée 11:1 - Mbeti ti Nzapa - Tënë so amu fini

¹ *KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 11:1 Iomraidhean Croise

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Ésaïe 43:4

Mbi sara tongaso, ngbanga ti so na le ti mbi, ngere ti mo ayeke ngangu, mo ne na le ti mbi si mbi ye mo. Tongaso, mbi mu azo na plase ti mo, mbi mu amara ti sanze na mo.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Ezekiel 16:22

Na ndembe so mo yeke sara lani aye so zo alingbi ti baa na le ti lo fani use pepe si mo yeke sara aye ti ndumba ti mo, mo dabe ti mo na ngoi ti maseka ti mo pepe; na ngoi so mo yeke ndumbu si bongo ayeke na tere ti mo pepe, na ngoi so mo yeke tirika na ya ti mene ti mo, mo da nga be ti mo na ni pepe.

Ezekiel 16:6

Mbi hon nduru na tere ti mo si mbi baa mo na ndembe so mo yeke tirika tere ti mo na ya ti mene ti mo. Ataa so mene amu tere ti mo kue, mbi tene na mo: ‘Ngba na fini!’ Biani, mbi tene na mo: ‘Ngba na fini!’

Osée 10:15

Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Osée 12:9

Mo tene ti mo, mo tene: ‘Taa-tënë, mbi wara mosoro mingi, mbi wara anzoni ye mingi. Me na ya ti aye so kue mbi wara so, zo oko alingbi ti wara sioni wala siokpari daa pepe.’

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Malashii 1:2

KOTA GBIA atene na azo ti lo: “Mbi ye ala.” Me ala tene: “Nyen laa afa atene mo ye e?” KOTA GBIA akiri tënë: “Ezau ayeke ita ti Jacob pepe? – So tënë ti yanga ti KOTA GBIA laa – Andaa mbi ye Jacob,

Matthieu 2:15

Lo ngba kâ ngbii asi na ngoi so Herode akui. Ye ni asi alingbi na tënë so Kota Gbia atene ando na yanga ti wayanga-Nzapa, atene: “Mbi iri molenge ti mbi titene lo sigigi na Ezipte.”

Ndia ti fani use ni 33:3

KOTA GBIA aye amara kue ti Israel. Lo yeke bata azo so kue ayeke ti lo, ala so aduti na sese na gbe ti lo si ala yeke ma ye so lo yeke fa na ala.

Ndia ti fani use ni 7:7

Moïse atene: Ndali ti so ala wu ahon amara kue laa *KOTA GBIA aye ala si lo soro ala so pepe; me lo ye ala si lo soro ala, ngbanga ti so ala yeke kete mara mingi na popo ti amara kue.