Osée 10:8 - Mbeti ti Nzapa - Tënë so amu fini

⁸ Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 10:8 Iomraidhean Croise

Tongo nda ti aye 3:8

Na lakui, na ndembe so pupu ayeke ya kete kete, ala ma go ti KOTA GBIA Nzapa so lo yeke fono na ya ti yaka ni. Koli ni na wali ti lo ahonde tere ti ala na popo ti akeke ti yaka ni ndali ti KOTA GBIA Nzapa abaa ala.

1 Agbia 13:2

Zo ti Nzapa ni ato nda ti tene tënë ti KOTA GBIA na tere ti gbalaka ni, lo tene: “Gbalaka! Gbalaka! Tënë so KOTA GBIA atene ayeke so: Fade a yeke du molenge-koli na ya ti sewa ti David; iri ti lo ayeke duti Yosias. Awayango-sandaga ti ando so a leke na ndö ti ahoto ti gbi asandaga daa so, lo yeke gbi ala na ndö ti mo, gbalaka ni. Fade a yeke gbi nga abio ti azo na ndö ti mo!”

1 Agbia 13:34

Lege ti sarango ye so laa asara si azo ti sewa ti Yeroboam ati na ya ti siokpari. Ndali ni, a mingo azo ti sewa ni kue si mara ti ala ahunzi biani biani na ndö ti sese.

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 34:13

Akamba ti ki ayeke sigigi na yangbo ti gbia, asioni pere na akeke ti ki ayeke mu ndö ti ngangu gbagba. Kodro ni ayeke ga ndo ti lango ti *anzagua, ndo so *anaamo ayeke duti daa.

Osée 10:2

Be ti azo ti Israel ayeke use use. Fadeso ala yeke wara ye ti peko ti sioni ti ala: *KOTA GBIA wani ayeke kinda agbalaka ti ala si lo yeke kungbi angbongboro têne ti ala so ala leke aluti na nduzu so.

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 10:9

Ti londo na sioni ye so mo sara na Gibea ngbii asi fadeso, mo Israel, mo sara siokpari awe; ni laa mo ngba gi ngbango daa so! Ayeke na legeni titene bira alondo na tere ti azo ti sioni so gi na Gibea pepe?

Osée 2:6

“Fade mbi yeke ye amolenge ti lo pepe, ngbanga ti so ala yeke amolenge ti ndumba.

Osée 4:13

Ala yeke mu *sandaga na li ti akota hoto, ala yeke zö dukani na li ti akete hoto, na gbe ti akeke ti shene, ti peplie na ti terebente; gbe ti de ti akeke ni ayeke pendere mingi! Ndani laa amolenge ti ala ti wali ayeke sara ye ti ndumba si awali ti amolenge ti ala ayeke gi akoli ti amba ti ala.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 8:5

Ala azo ti Samarii, be ti mbi alondo na bango kete bagara ti ala ni! Ngonzo ti mbi alondo tongana wâ na tere ti ala awe. Ala yeke ngba ngbii asi lawa si ala ga *nzoni?

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Amos 1:5

Fade mbi yeke sara si angbongboro wen ti yanga ti agbagba ti gbata ti Damas akungbi; mbi yeke mingo makonzi so ayeke na popo-hoto ti Aven, mbi yeke mingo lo so ayeke sara komandema na Bet-Eden. Tongaso fade a yeke gbu azo ti Sirii ti gue na ala na kodro ti Kir”; so tënë ti yanga KOTA GBIA laa.

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Mishe 1:13

Ala azo ti gbata ti Lakish, ala kanga pusu na tere ti ambarata! Ala laa asara si azo ti *Sion asara siokpari, gi ala laa apusu azo ti Israel ti sara ngangu li.

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Nahum 3:11

Ti mo Ninive nga, fade pasi ayeke hon ndö ti mo si mo yeke ga tongana zo so samba ahon ndö ti lo! Mo yeke honde tere ti mo ndali ti kamene ti mo. Mo nga, mo yeke gi ndo ti honde tere ti mo ndali ti awato ti mo.

Nzoni Tënë so Luc asu na mbeti 23:30

Tongaso na ya ti alango ni so, fade azo ayeke tene na akota hoto: ‘Ala ti na ndö ti e!’ Ala yeke tene nga na akete hoto: ‘Ala honde e!’

Ndia ti fani use ni 9:21

Mbi mu bagara so ala sara so, ye ti peko ti siokpari ti ala ni, mbi bi ni na le ti wâ. Na pekoni, mbi fâ ya ni nduru nduru, mbi nika ni si aga fuku. Mbi tuku fuku ni na ya ti ngu so alondo na li ti hoto si ayeke sua.

Aye so Nzapa afa 6:16

Ala tene na ahoto na atêne ni, atene: “Ala ti na ndö ti e. Ala honde e si lo so lo yeke duti na ndö ti mbata ti gbia so abaa e pepe, tongaso si e kpe ngonzo ti Molenge ti Taba so!

Aye so Nzapa afa 9:6

Na ndembe ni so, fade azo ayeke gi ti kui, me ala yeke kui pepe; nzara ti kuâ ayeke sara ala, me kuâ ayeke kpe ala ti hon yongoro.