Osée 10:6 - Mbeti ti Nzapa - Tënë so amu fini

⁶ Fade a yeke mu nga kete bagara ni, a hon na lo na sese ti Asirii ti mu na kadoo na ne-ne gbia. Fade kamene ayeke gbu azo ti Efraim si kamene ayeke sara azo ti Israel ndali ti ye so ala leke na be ti ala ti sarango ni so.

Osée 10:6 Iomraidhean Croise

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

Mbeti ti Job 18:7

Ando, lo yeke tambula tongana koli, me fadeso, lo tambula nzoni pepe; apialo ti lo ayeke sara si lo ti.

Ésaïe 1:29

Biani, akeke so ala yeke voro ni si ala ye ni mingi so, fade kamene ayeke sara ala ndali ni. Apendere ndo so ala soro ti voro ayanda daa so, kamene ayeke gbu le ti ala ndali ni.

Ésaïe 30:3

Me Faraon so ala baa lo tongana gbagba ti batango ala so, lo yeke zia kamene na le ti ala; gbe ti de ti Ezipte so ala yeke gi ti honde tere daa so, fade ayeke zia kota kamene na le ti ala.

Ésaïe 45:16

Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Jérémie 48:13

Fade Kemosh, nzapa ti Moab ayeke bi kamene na le ti lo tongana ti so Betel, nzapa ti Israel abi kamene na le ti lo. Andaa Israel azia ando be ti lo kue na ndö ti nzapa ni so.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Ezekiel 16:28

Me nzara ti tere ti mo ahunzi na ya ti mo pepe, mo sara ye ti ndumba na azo ti Asirii. Ataa so kue, nzara ti tere ti mo ni ahunzi na ya ti mo pepe.

Ezekiel 36:31

Na ndembe ni so, fade ala yeke dabe ti ala na sioni lege ti dutingo ti ala nga na asioni sarango ye ti ala; fade li ti ala ayeke ne na kamene ndali ti asiokpari ti ala nga ndali ti asioni ye so ala sara si zo alingbi ti baa na le ti lo fani use pepe so.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Osée 4:19

Fade pupu ayeke rule ala ti hon na ala si kamene ayeke sara ala ndali ti asandaga so ala yeke mu ni so.

Osée 4:7

“Awayango-sandaga kue kue kue asara siokpari so ake mbi; fade mbi yeke sara si nengo ti kua ti ala aga kota ye ti kamene.

Osée 5:13

Efraim abaa kobela ti lo, Juda abaa ka ti lo; Efraim ague ti baa Asirii, lo tokua azo na ne-ne gbia, me ne-ne gbia ni alingbi ti kai kobela ti ala pepe, wala ti sara si ka ti ala amu pepe.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”