Osée 10:5 - Mbeti ti Nzapa - Tënë so amu fini

⁵ Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 10:5 Iomraidhean Croise

2 Agbia 10:29

Me Yehu azia pepe lege ti siokpari so Yeroboam, molenge ti Nebat asara lani. Biani, Yeroboam apusu lani azo ti Israel titene ala sara siokpari na lege ti vorongo abagara so a sara na lôro si ayeke na Betel nga na Dan.

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

2 Agbia 23:5

Yosias atumba awayango-sandaga so ayeke taa awayango-sandaga pepe, ala so agbia ti Juda asoro ala titene ala zö dukani na ando so azo aleke na ndö ti ahoto ti voro anzapa nde daa so; ala so ayeke na ya ti agbata ti Juda nga na ya ti akodro so ayeke na tere ti Jérusalem. Lo tumba nga awayango-sandaga so ayeke zö dukani ndali ti Baal, ndali ti lâ, ndali ti nze, ndali ti atongoro nga ndali ti aye mingi mingi so ayeke na le ti nduzu.

2 Mbai 11:15

Yeroboam wani asoro awayango-sandaga ti lo titene ala sara kua na ando so azo aleke na ndö ti ahoto ti voro anzapa daa, anzapa so akpa akoli-ngasa wala akete bagara.

2 Mbai 13:8

Fadeso, ala ye ti londo ti ke kodro-gbia so KOTA GBIA amu na *ahale ti David. Yeroboam, mo na azo ti mo, ala yeke gbani gbani si na popo ti ala, ala yeke na abagara ti lôro so Yeroboam asara titene aga anzapa ti ala.

Ésaïe 46:2

Anzapa ni akuku, ala ti legeoko; ala lingbi ti soo ayanda ti ala pepe, ala wani, ala gue na ngbaa.

Osée 13:2

Ti fadeso, azo ti Efraim angba ti sara siokpari: ala kporo wen si asara na anzapa nde, ala mu wen ti nginza ti ala si na lege ti kode ti ala, ala sara na ayanda. Ye so kue ayeke ye ti maboko ti awakode-kua. Ndali ti anzapa ni, azo ayeke tene: “Azo, ala mu asandaga na anzapa ni!” Azo ayeke su ngbangba ti akete bagara!

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Osée 9:11

Fadeso, gonda ti azo ti Efraim ayeke huru ti hon tongana ti so ndeke ayeke huru: awali ti ala ayeke kiri ti du pepe, ala yeke kiri ti duti na ngo pepe, ala yeke kiri ti mu ngo pepe.

Amos 3:14

Na lango so mbi yeke ga na tere ti azo ti Israel ndali ti asioni sarango ye ti ala, gi na lango so laa mbi yeke ga ti buba agbalaka so ayeke na Betel; fade a yeke kungbi adidi ti gbalaka ni si ala yeke ti na sese.

Sofonii 1:4

“Fade mbi yeke yoro maboko ti mbi ti pika azo ti Juda nga na azo so kue alango na Jérusalem. Mbi yeke sara si aye so azo ayeke voro na *Baal angba na ya ti kodro ni oko pepe; ataa awayango-sandaga so ayeke sara kua na lo, azo ayeke girisa iri ti ala.

Awatokua 19:27

Ye so lo yeke tene alingbi ti buba gi iri ti kua ti e pepe, me alingbi ti sara si da ti Artemis, kota nzapa-wali aga nga buba ye na le ti azo si gonda ti lo ahunzi; Artemis so azo ti Azii na ti dunia kue ayeke voro lo so.”

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Awafango-ngbanga 18:24

Mika akiri tënë na ala: “Ala mu anzapa so mbi sara ndali ti mbi; ala mu nga wayango-sandaga ti mbi, ala hon na lo. Mbeni ye oko angba na mbi pepe si ala yeke hunda mbi, atene: ‘Nyen laa asara mo, nyen?’ ”