Osée 10:4 - Mbeti ti Nzapa - Tënë so amu fini

⁴ Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Osée 10:4 Iomraidhean Croise

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Awatokua 8:23

Biani, mbi baa so sioni nzara ti warango ye asi singo na be ti mo si mo yeke ngbaa ti siokpari.”

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

2 Timothée 3:3

Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.