Osée 10:3 - Mbeti ti Nzapa - Tënë so amu fini

³ Ti fadeso ala yeke tene: “E yeke na gbia pepe, ngbanga ti so e yeke kpe mbeto ti KOTA GBIA pepe. Ataa e yeke fade na gbia ni, nyen laa lo lingbi ti sara ndali ti e, nyen?”

Osée 10:3 Iomraidhean Croise

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Agbia 15:13

Na ngu baleota na gumbaya ni so Azaria ayeke gbia ti Juda laa Shalum, molenge ti Yabesh aga gbia. Lo le-gbia nze oko na Samarii.

Abia (Psaumes) 118:9

Titene zo akpe na KOTA GBIA ti bata tere ti lo, so ayeke nzoni ahon titene lo zia be ti lo na ndö ti akota zo!

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Osée 10:15

Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Osée 10:7

Ti Samarii na gbia ti lo ahunzi awe: gbia ti lo aga tongana nduru keke so ayeke sua na le ti ngu.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Osée 13:10

Tongaso, gbia ti mo ni ayeke na ndo wa titene lo soo mo na kuâ? Na ya ti agbata ti mo kue, azo ti li ni ayeke na ndo wa, ala so lani mo yeke tene tënë ti ala, mo tene: ‘Mu na mbi mbeni gbia na amakonzi’ so?

Osée 13:11

Na ya ti ngonzo ti mbi, mbi mu na mo mbeni gbia; na ya ti sioni ngonzo ti mbi, mbi zi lo na maboko ti mo.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Mishe 4:9

Ala azo ti Jérusalem, ngbanga ti nyen si ala yeke dekongo fadeso ngangu tongaso? Ngbanga ti nyen si ala yeke baa pasi tongana wali so aye ti du? Gbia ayeke na kodro ti ala pepe? Awamungo-wango ti ala akui awe?

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”