Osée 10:15 - Mbeti ti Nzapa - Tënë so amu fini

¹⁵ Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Osée 10:15 Iomraidhean Croise

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 10:3

Ti fadeso ala yeke tene: “E yeke na gbia pepe, ngbanga ti so e yeke kpe mbeto ti KOTA GBIA pepe. Ataa e yeke fade na gbia ni, nyen laa lo lingbi ti sara ndali ti e, nyen?”

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 10:7

Ti Samarii na gbia ti lo ahunzi awe: gbia ti lo aga tongana nduru keke so ayeke sua na le ti ngu.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Rome 7:13

Ye so ayeke ye ti nzoni, akiri aga ye ti fango mbi? Oko pepe! Me siokpari laa afâ mbi: siokpari amu ye so ayeke nzoni ti fâ mbi na ni, ti fa so lo yeke siokpari biani, nilaa na lege ti tënë ti ndia, siokpari afa so lo yeke taa ye ti sioni biani.