Osée 10:13 - Mbeti ti Nzapa - Tënë so amu fini

¹³ Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.

Osée 10:13 Iomraidhean Croise

Mbeti ti Job 4:8

Ti mbi, ye so mbi baa ayeke so: Azo so alu ye ti kirikiri na ala so alu pasi, ye ti kirikiri na pasi laa ala yeke ko lengo ni.

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Abia (Psaumes) 52:7

Ndani laa Nzapa ayeke buba ande mo biani biani; lo yeke gboto mo na ya ti da ti mo ti bi mo na gigi; lo yeke zi mo na ndö ti sese ti azo so angba na fini. Luti kete

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Amato 13:2

Atënë so zo atene alingbi ti sara si lo wara nzoni ye na pekoni; me ti azo ti kango zo, gi nzara ti sarango ngangu na zo laa ayeke na be ti ala.

Amato 19:5

Zo so atene mvene na le ti ngbanga, fade pekoni ayeke ngba na lo senge pepe; zo so atene mvene, lo nga lo yeke sigigi na ya ti ngbanga pepe.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ésaïe 17:11

Lango so mo lu na aye ni, mo yeke baa ni ayeke kono; gi na ndaperere, ye so mo lu so, mo baa ni ayeke mai. Me na ngoi so mo ye ti fâ ale ni, ale ni ahon awe, yoro ti kai na kobela ayeke daa pepe.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Osée 7:3

Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

1 Samuel 24:14

Mbeni *mato ti akotara atene: ‘Azo ti sioni laa ayeke sara ye ti sioni.’ Me fade maboko ti mbi ayeke ndu mo pepe.