Osée 10:10 - Mbeti ti Nzapa - Tënë so amu fini

¹⁰ KOTA GBIA atene: “Fade mbi yeke pika ala tongana ti so be ti mbi aye; gba ti amara ayeke bongbi na ndö ti ala ti tiri bira na ala ndali ti asioni use so ala sara.

Osée 10:10 Iomraidhean Croise

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

Mbeti ti Job 39:10

Mo lingbi ti kanga lo titene lo fâ yaka ti mo? Fade lo yeke gboto na peko ti mo wen ti dengo ya ti sese na popo-hoto?

Ésaïe 1:24

Ndani laa, so tënë ti yanga ti Kota Gbia NZAPA laa, lo so lo yeke na ndö ti dunia kue, ngangu Nzapa ti Israel atene: “Mawa na ala, azo so ake mbi! Fade mbi yeke nika ala nikango, mbi yeke kiri peko ti sioni na awato ti mbi.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Ezekiel 16:37

Ndani laa, mbi yeke bongbi andeko so kue mo nzere na le ti ala so, ala so kue mo ye ala nga na ala so kue be ti mo ake ala. Mbi yeke bongbi ala na ndo kue ti ga na tere ti mo; mbi yeke zi bongo kue na tere ti mo na le ti ala titene ala baa tere ti mo so kue angba senge so.

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Ezekiel 23:46

“Tënë so mbi Kota Gbia NZAPA, mbi tene ayeke so: Ala bongbi gba ti azo ti ga na tere ti awali ni; fade mbi yeke sara titene awali ni ado na kota mbeto si a nzi aye ti ala kue.

Ezekiel 23:9

Ndani laa, mbi zia lo na maboko ti andeko ti lo, azo ti Asirii so lo sara nzara ti ala mingi so.

Ezekiel 5:13

Le ti mbi ayeke be na tere ti ala si ngonzo ti mbi ti wâ ayeke tuku na ndö ti ala ngbii be ti mbi ade si. Mbi yeke kiri na ala peko ti sioni so ala sara. Tongaso, fade ala yeke hinga atene, mbi KOTA GBIA laa mbi tene tënë na ala; mbi kanga be ti mbi na ala gbaa ndali ti so ala bata tere ti ala na mbi pepe. Ndani laa, mbi yeke tuku ngonzo ti mbi ti wâ na ndö ti ala ngbii be ti mbi ade si.

Osée 10:9

Ti londo na sioni ye so mo sara na Gibea ngbii asi fadeso, mo Israel, mo sara siokpari awe; ni laa mo ngba gi ngbango daa so! Ayeke na legeni titene bira alondo na tere ti azo ti sioni so gi na Gibea pepe?

Osée 4:19

Fade pupu ayeke rule ala ti hon na ala si kamene ayeke sara ala ndali ti asandaga so ala yeke mu ni so.

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Osée 8:10

Ataa azo ti Efraim amu akadoo na amara nde, mbi yeke bongbi ala fadeso. Gi na ya ti kete ngoi, ala yeke baa pasi na gbe ti nengo kungba ti gbia ti amakonzi.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Ndia ti fani use ni 28:63

Tongana ti so be ti KOTA GBIA anzere ando ti sara nzoni na ala, ti sara si ala wu mingi, fade be ti lo ayeke nzere nga ti sara titene ala kui si ala hunzi kue. Lo yeke zi ala na sese so ala yeke gue ti mu ni titene aga ti ala.