Osée 1:7 - Mbeti ti Nzapa - Tënë so amu fini

⁷ Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Osée 1:7 Iomraidhean Croise

2 Agbia 19:29

“Ti mo Ezekias, ye so ayeke fa na mo ye so ayeke si ande ayeke so: na ngu so, azo ayeke te le ti kobe so asigigi na be ti lo wani. Na ngu ti peko, ala yeke te gi mara ni. Me na ota ngu ni, fade ala yeke lu ale ti kobe, ala yeke fâ ale ti kobe ni, ala yeke lu yaka ti *vinye si ala yeke te alengo ni.

2 Agbia 19:34

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

2 Agbia 6:18

Aturugu ti Sirii amu lege si ala gue na mbage ti Élisée. Élisée akiri asambela KOTA GBIA, atene: “Kanga le ti aturugu so si ala baa ndo pepe!” KOTA GBIA akanga le ti ala alingbi na tënë so Élisée atene.

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Abia (Psaumes) 44:7

Mbi zia be ti mbi na ndö ti kokora ti mbi pepe; mbi so benda na lege ti yongoro zeme ti mbi pepe.

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Sigingo 14:30

Na lango ni so, KOTA GBIA asoo azo ti Israel na maboko ti azo ti Ezipte si azo ti Israel abaa kuâ ti azo ti Ezipte na yanga ti kota ngu-ingo ni.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Jérémie 25:5

Lo tene na ala: ‘Ala zia ngbene lege ti sarango ye ti ala, ala zia asioni ti ala. Tongaso, fade ala yeke wara lege ti duti ngbene ye kpu na kpu, lakue lakue na ya ti kodro so mbi mu ando na ala nga na akotara ti ala.

Jérémie 25:6

Ala mu peko ti anzapa nde pepe ti voro ala, ala kuku nga na gbe ti ala pepe; ala zia ngonzo na be ti mbi pepe ndali ti ayanda so ala leke ni so. Tongaso, fade mbi yeke sara sioni na ala oko pepe.

Jérémie 33:26

Tongaso, mbi lingbi ti ke ahale ti Jacob na ti David, zo ti kua ti mbi? Mbi lingbi ti ke ti soro na popo ti ahale ti ala azo so ayeke le-gbia na ndö ti ahale ti Abraham, ti Isaac na ti Jacob? “Oko pepe! Fade mbi yeke sara titene ala kiri na kozo ndo ti ala, ngbanga ti so mbi baa mawa ti ala.”

Osée 1:8

Gomer azi Lo-Ruhama na yanga ti me. Na pekoni, lo kiri lo mu ngo si lo du molenge-koli.

1 Samuel 17:47

Fade azo so kue abongbi ge so ayeke hinga atene, KOTA GBIA ayeke sara titene azo ti lo aso benda na lege ti yongoro zeme wala likongo pepe. Me KOTA GBIA laa ayeke makonzi ti bira; fade lo yeke zia ala na maboko ti e.”