Osée 1:6 - Mbeti ti Nzapa - Tënë so amu fini

⁶ Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 1:6 Iomraidhean Croise

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Osée 1:8

Gomer azi Lo-Ruhama na yanga ti me. Na pekoni, lo kiri lo mu ngo si lo du molenge-koli.

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Osée 2:4

*KOTA GBIA atene: “Ala gue na mama ti ala na gbe ti ngbanga, ala gue na lo na gbe ti ngbanga, ngbanga ti so lo yeke wali ti mbi mbeni pepe si mbi, mbi yeke koli ti lo mbeni pepe. “Nzoroko ti aye ti ndumba so lo zia na le ti lo, ayeke nzoni lo zi ni; nzoroko ti gingo koli ti amba ti lo so lo zia na popo ti me ti lo, ayeke nzoni lo zi ni.

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Amos 9:8

Baa, le ti Kota Gbia NZAPA ayeke na ndö ti kodro-gbia so siokpari asi singo na ya ni. So tënë ti yanga ti KOTA GBIA laa: “Fade mbi yeke zi kodro-gbia ni na ndö ti sese so, me mbi yeke hunzi *ahale ti Jacob kue pepe.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.