Osée 1:4 - Mbeti ti Nzapa - Tënë so amu fini

⁴ KOTA GBIA atene na Osée: “Mo di iri ti molenge ni Yizreel, ngbanga ti so na ya ti kete ngoi, fade mbi yeke ga ti kiri peko ti sioni na *ahale ti Yehu ndali ti mene so ala tuku na Yizreel so. Fade mbi yeke sara titene lengo-gbia ahunzi na Israel.

Osée 1:4 Iomraidhean Croise

2 Agbia 10:1

Amolenge ti Akab ti koli balembarambara ayeke na Samarii. Yehu asu ambeti, lo tokua ni na Samarii na *akangba, amakonzi ti gbata ti Yizreel nga na azo so ayeke bata amolenge ti Akab. Lo tene na ala:

2 Agbia 10:17

So Yehu asi na Samarii awe, lo fâ tanga ti azo ti sewa ti Akab so kue angba na fini si ala yeke lango na ya ti gbata ni. Lo hunzi ala kue alingbi na tënë so KOTA GBIA atene lani na wayanga-Nzapa Élie.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 15:8

Na ngu baleota na miombe ni so Azaria ayeke gbia ti Juda laa Zakarii, molenge ti Yeroboam aga gbia ti Israel na Samarii. Lo le-gbia nze omene.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 8:3

Na pekoni, mbi na wali ti mbi so lo yeke wayanga-Nzapa, e duti koli na wali; lo mu ngo si lo du molenge-koli. KOTA GBIA atene na mbi: “Mo di iri ti molenge ni ‘Maher-Shalal-Hash-Baz’.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 20:3

Na ndade ni, Pashehur azi Jérémie na ya ti olongbo ni. Jérémie atene na lo: “KOTA GBIA ayeke kiri ti iri mo Pashehur pepe, me lo yeke iri mo ‘Mbeto-mbage-na-mbage-kue’.

Jérémie 23:2

Ndani laa, tënë so KOTA GBIA, Nzapa ti Israel atene ndali ti awabatango-taba ni ayeke so; so ti tene ala so ayeke bata azo ti mbi so: “Ala zia ataba ti mbi akangbi kirikiri awe, ala tumba ataba ni, ala baa lege ti ala pepe. Ti mbi, mbi yeke baa lege ti ala, awabatango-taba ni, ndali ti asioni sarango ye ti ala; so tënë ti yanga ti KOTA GBIA laa.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Ezekiel 23:10

Ala zia lo ndumbu, ala mu amolenge ti lo ti koli na ti wali; ti lo, ala fâ lo na yongoro zeme. Baa lege so ala fâ ngbanga na li ti lo laa. Nilaa Ohola aga tapande ndali ti awali.”

Ezekiel 23:31

Mo mu gi lege ti sarango ye ti ita ti mo ti wali, Ohola. Ndani laa, gi oko kopo ti ngonzo ti mbi so lo nyon, ni laa mbi yeke mu na mo.

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 1:9

KOTA GBIA atene na Osée: “Mo di iri ti molenge ni Lo-Ami, ngbanga ti so ala, azo ti Israel, ala yeke mara ti mbi pepe si mbi, mbi yeke na ndo so ndali ti ala pepe.”

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 2:22

Biani, ye so mbi yeke ka na peko ti mo ayeke batango tënë ti yanga ti mbi. Tongaso fade mo yeke hinga so mbi yeke KOTA GBIA.

Osée 9:17

Fade Nzapa ti mbi ayeke ke ala, ngbanga ti so ala ma lo pepe. Fade ala yeke tambula kirikiri na popo ti amara nde.

Amos 9:8

Baa, le ti Kota Gbia NZAPA ayeke na ndö ti kodro-gbia so siokpari asi singo na ya ni. So tënë ti yanga ti KOTA GBIA laa: “Fade mbi yeke zi kodro-gbia ni na ndö ti sese so, me mbi yeke hunzi *ahale ti Jacob kue pepe.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Nzoni Tënë so Luc asu na mbeti 1:13

Me ange ni atene na lo: “Zakarii, sara mbeto pepe, ngbanga ti so Nzapa ama sambela ti mo awe: fade Élisabeth, wali ti mo ayeke du na mo molenge-koli si mo yeke di iri ti lo Jean.

Nzoni Tënë so Luc asu na mbeti 1:31

Fade mo yeke mu ngo si mo yeke du molenge-koli so mo yeke di iri ti lo Jésus.

Nzoni Tënë so Luc asu na mbeti 1:63

Zakarii ahunda mbeni ardoaze si lo su mbeti na le ni, lo tene: “Iri ti lo ayeke Jean.” Li ti azo ni kue akpe.

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Josué 19:18

Na sese ti ala, mo yeke wara agbata tongana: Yizreel, Kesulot, Shunem,