Osée 1:2 - Mbeti ti Nzapa - Tënë so amu fini

² So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 1:2 Iomraidhean Croise

2 Mbai 21:13

Me mo mu peko ti sarango ye ti agbia ti Israel. Mo pusu azo ti Jérusalem na azo ti Juda titene ala voro anzapa nde tongana ti so azo ti sewa ti Akab asara. Ataa a-ita ti mo so ala yeke amolenge ti babâ ti mo, ala so ayeke nzoni mingi ahon mo so, mo fâ ala.

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 2:23

Ye ni asara tongana nyen laa mo tene: ‘Mbeni sioni ye andu tere ti mbi oko pepe; mbi voro anzapa *Baal pepe’ so? Gue mo baa gi peko ti agere ti mo kâ na popo-hoto! Ayeke nzoni mo hinga ye so mo sara. Mo yeke tongana mama ti *zambala so akpe ge, akpe kâ.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Ezekiel 6:9

Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.

Osée 2:7

Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Osée 5:3

“Mbi, mbi hinga azo ti Efraim, azo ti Israel ahonde na le ti mbi pepe. Fadeso, ala azo ti Efraim, ala sara ye ti ndumba si azo ti Israel aga *sioni ndali ni.”

Marc 1:1

Nzoni Tënë na ndö ti Jésus Christ, Molenge ti Nzapa ato nda ni tongaso:

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”