Osée 1:1 - Mbeti ti Nzapa - Tënë so amu fini

¹ Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Osée 1:1 Iomraidhean Croise

2 Agbia 13:13

Yoas akui, lo hon na peko ti ababâ ti lo si a lu lo na Samarii na tere ti agbia ti Israel. Yeroboam laa amu mbata ti gbia na peko ti lo.

2 Agbia 14:16

Yoas akui, lo hon na peko ti ababâ ti lo si a lu lo na Samarii na tere ti agbia ti Israel. Molenge ti lo Yeroboam laa aga gbia na peko ti lo.

2 Agbia 14:23

Na ngu baleoko na oku ni so Amasia, molenge ti Yoas ayeke gbia ti Juda laa Yeroboam, molenge ti Yoas, gbia ti Israel aga gbia na gbata ti Samarii. Lo le-gbia ngu baleosio na oko.

2 Agbia 15:32

Na ngu use ni so Peka, molenge ti Remalia ayeke gbia ti Israel laa Yotam, molenge ti Azaria, gbia ti Juda, aga gbia.

2 Agbia 15:5

KOTA GBIA abi sioni kobela na tere ti Azaria: lo ga zo ti buruma; lo ngba zo ti buruma ni ngbii lo kui na ni, lo lango gi lo oko na ya ti mbeni da nde. Molenge ti lo Yotam, makonzi ti aye ti yangbo ti gbia laa ayeke sara komandema na ndö ti kodro-gbia ni.

2 Agbia 15:7

Azaria akui, lo hon na peko ti ababâ ti lo si a lu lo na tere ti ababâ ti lo na Gbata ti David. Molenge ti lo Yotam laa aga gbia na peko ti lo.

2 Mbai 27:1

Yotam ayeke na ngu baleuse na oku si lo ga gbia; lo le-gbia ngu baleoko na omene na Jérusalem. Iri ti mama ti lo ayeke Yerusha, molenge ti Sadok.

2 Mbai 28:1

Ahaz ayeke na ngu baleuse si lo ga gbia; lo le-gbia ngu baleoko na omene na Jérusalem. Lo sara ye so ayeke mbirimbiri pepe na le ti *KOTA GBIA; lo sara ye tongana ti kotara ti lo David pepe.

2 Mbai 29:33

Ala kiri amu akoli-bagara ngbangbo omene, ataba na angasa saki ota ndali ti ambeni sandaga.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 7:1

Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Jérémie 1:2

Tënë ti KOTA GBIA asi na Jérémie na ngoi ti Yosias, molenge ti Amon so ayeke gbia ti Juda; tënë ni asi na lo mbirimbiri na ndembe so Yosias ayeke le-gbia na ya ti ngu baleoko na ota ni.

Jérémie 1:4

Tënë ti KOTA GBIA asi na mbi, atene:

Ezekiel 1:3

Na kodro ti azo ti Babilone, na tere ti bale ti Kebar, tënë ti KOTA GBIA asi na mbi Ezekiel, molenge ti wayango-sandaga Buzi. Kâ, maboko ti KOTA GBIA agbu mbi.

Joël 1:1

So ayeke tënë ti *KOTA GBIA so asi na Joël, molenge ti Petuel.

Amos 1:1

So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Jonas 1:1

Mbeni lâ, tënë ti *KOTA GBIA asi na Jonas, molenge ti Amitai, atene:

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Jean 10:35

E hinga so, tënë so Mbeti ti Nzapa atene, zo alingbi ti mingo ni pepe. Andaa azo so Nzapa atene tënë ti ala ge so ayeke azo senge, me mbeti ti Ndia airi ala anzapa.

Rome 9:25

Tënë so Nzapa atene na ya ti Mbeti ti Osée laa, lo tene: “Azo so ayeke ando azo ti mbi pepe, fade mbi yeke iri ala azo ti mbi; mara so mbi ye ni ando pepe, fade mbi yeke iri ni mara so mbi ye mingi.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.