Néhémie 8:3 - Mbeti ti Nzapa - Tënë so amu fini

³ Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Néhémie 8:3 Iomraidhean Croise

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Néhémie 13:1

Na ngoi ni so, a diko mbeti ti Moïse na le ti azo kue si na ya ni, a wara mbeni tënë so atene, fade zo ti mara ti Amon na ti Moab ayeke li laoko pepe na ya ti bongbi ti azo ti Nzapa.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.

Néhémie 8:18

Na ya ti alango ni so oko oko kue, ti londo na kozo lango ti matanga ni ngbii asi na ndangba lango ni, mbeni zo ayeke diko mbeti ti Ndia ti Nzapa. Matanga ni asara lango mbarambara. Na lango miombe ni, ala sara mbeni kota bongbi ti hunzi na matanga ni tongana ti so ndia afa.

Néhémie 8:4

Wafango-ndia Esdras aluti na ndö ti mbeni ye so a leke na nduzu na keke ndali ti bongbi ni. Matitia, Shema, Anaya, Uria, Hilkia na Maaseya aluti na tere ti lo, na mbage ti maboko ti lo ti koli; Pedaya, Mikael, Malkia, Hashum, Hashebadana, Zakarii na Meshulam aluti na tere ti lo, na mbage ti maboko ti lo ti wali.

Néhémie 8:5

Esdras aluti na nduzu ahon azo ni kue; azo ni kue alingbi ti baa lo nzoni. So lo zi le ti mbeti ni na le ti azo kue, ala kue alondo na nduzu.

Marc 12:37

So David wani ayeke iri lo ‘Kota Gbia’ so, Mesii ni akiri ti duti molenge ti David tongana nyen?” Gba ti azo ayeke ma Jésus na ngia na be ti ala.

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Awatokua 13:15

So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Awatokua 16:14

Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 20:11

Paul akiri na nduzu, lo mu mapa, lo fa ya ni si lo te. Lo kiri lo tene tënë ngbii asi na yanga ti ndaperere, na pekoni lo hon.

Awatokua 20:7

Na lakui ti laposo, e bongbi tere ti te kobe ti beoko. Ndali ti so, tongana ndo ahan, Paul ayeke hon hongo, lo tene tënë ngbii asi na be ti bi.

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Ndia ti fani use ni 31:9

Moïse asu *Ndia ti Nzapa so na mbeti si lo mu ni na awayango-sandaga, *ahale ti Lévi so kua ti ala ayeke ti yo sanduku ti *mbuki ti *KOTA GBIA; lo mu ni nga na *akangba kue ti Israel.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:22

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”