Néhémie 7:3 - Mbeti ti Nzapa - Tënë so amu fini

³ Mbi tene na ala: “Fade a yeke zi ayanga ti gbagba ti gbata ni pepe ngbii lâ asu si. Na lakui, a yeke kanga ni ngbangbangba kozoni si asanziri alondo ti gue. Fade a yeke iri ambeni zo ti Jérusalem ti luti ti bata gbagba ni; ambeni ayeke luti na ndo so a zia ala daa, ambeni ayeke luti na tere ti da ti ala.”

Néhémie 7:3 Iomraidhean Croise

Néhémie 13:19

Biaku, mbi mu yanga titene a kanga ayanga ti gbagba ti Jérusalem na lakui, kozo titene lango ti wungo tere ato nda ni. Mbi mu nga yanga titene a zi ayanga ti gbagba ni pepe tongana lango ti wungo tere ade ti hunzi pepe. Mbi zia ambeni zo ti kua ti mbi ti bata ayanga ti gbagba ni si mbeni zo ali na kungba pepe na ya ti gbagba ni na lango ti wungo tere.

Néhémie 3:23

Na peko ti ala kâ, Benjamin na Hashub ayeke leke mbeni ndo ni na ndo so abaa le na da ti ala wani; na peko ti ala, Azaria, molenge ti Maaseya, molenge ti Anania, ayeke leke ti lo gbagba ni nduru na da ti lo wani.

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Néhémie 7:4

Gbata ti Jérusalem akono mingi, me azo so ayeke lango na ya ni ayeke mingi pepe. Ade ti leke ambeni da ni pepe.

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 147:13

Biani, lo sara si angbongboro wen ti yanga ti gbagba ti mo akiri akpengba; lo sara tufa na ndö ti amolenge ti mo so ayeke na ndo ti mo.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.