Néhémie 2:3 - Mbeti ti Nzapa - Tënë so amu fini

³ Me mbi kiri tënë na gbia, mbi tene: “Gbia na nduzu! Le ti mbi alingbi ti duti na ngia tongana nyen? Gbata so a lu akotara ti mbi daa ati awe si wâ agbi ayanga ti gbagba ni kue awe so!”

Néhémie 2:3 Iomraidhean Croise

1 Agbia 1:31

Batsheba akuku na sese, lo kpo li ti lo na sese na dawa ti gbia si lo tene: “E mu David, gbia ti mbi, na nduzu lakue!”

2 Agbia 25:8

Na lango mbarambara ti nze oku ni, so ti tene na ngu baleoko na gumbaya ni so Nabukodonosor, gbia ti Babilone ayeke le-gbia, Nebuzaradan aga na Jérusalem. Nebuzaradan ayeke makonzi ti aturugu ti batango gbia si lo yeke mbeni kota zo na yangbo ti gbia ti Babilone.

2 Mbai 21:20

Yoram ayeke na ngu baleota na use si lo ga gbia; lo le-gbia ngu miombe na Jérusalem. So lo kui, be ti zo oko aso pepe. A lu lo na Gbata ti David, me a lu lo pepe na ndo so a yeke lu agbia daa.

2 Mbai 28:27

Ahaz akui, lo hon na peko ti ababâ ti lo si a lu lo na Jérusalem; me a lu lo pepe na ndo so a yeke lu agbia ti Israel daa. Molenge ti lo Ezekias laa aga gbia na peko ti lo.

2 Mbai 32:33

Ezekias akui, lo hon na peko ti ababâ ti lo, a lu lo na ndo so a yeke lu *ahale ti David daa, na mbage ti nduzu; azo ti Juda kue na azo ti Jérusalem amu nengo na kuâ ti lo. Molenge ti lo Manase laa aga gbia na peko ti lo.

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.

Néhémie 1:3

Ala kiri tënë na mbi, atene: “Tanga ti azo so angba, ala so a gbu ala, a gue na ala na kodro wande pepe so, ala yeke na ya ti kota mawa nga na ya ti kota kamene. A koro adu na tere ti dere ti gbagba ti Jérusalem kirikiri; wâ agbi ayanga ti gbagba ni kue.”

Néhémie 2:13

Na bi, mbi sigigi na yanga ti gbata so iri ni Ti-popo-hoto, mbi gue na mbage ti li ti ngu so iri ni Ti-nyama-so-akpa-ngunde nga na mbage ti yanga ti gbata so iri ni Ti-puru. Mbi baa mbage ti afango gbagba ti Jérusalem nzoni; mbi baa so a koro adu kirikiri na ya ti gbagba ni si wâ agbi ayanga ti gbagba ni kue.

Esther 8:6

Fade mbi kanga be ti mbi tongana nyen ti duti ti baa sioni ye so ayeke ga ti ti na ndö ti azo ti mbi so? Fade mbi kanga be ti mbi tongana nyen ti duti ti baa azo ti mara ti mbi so a yeke fâ ala kue so?”

Abia (Psaumes) 102:14

Mo ye *Sion; fade mo yeke londo ti sara na lo, ngbanga ti so ngoi ti baa mawa ti lo asi awe. Biani, taa ngoi ni alingbi awe!

Abia (Psaumes) 102:15

Ataa so atêne ti gbata ni atuku awe, be ti azo ti kua ti mo angba ti ye atêne ni; ala ngba ti baa mawa ti fuku ti sese ti gbata ni.

Abia (Psaumes) 137:6

Tongana mbi dabe ti mbi na mo pepe, tongana mbi ye aye so kue anzere na mbi ahon Jérusalem, ayeke nzoni menga ti mbi ahole holengo na yanga ti mbi.

Abia (Psaumes) 38:7

Mbi woko kue awe, ngangu ti mbi kue awe; Lakue, mbi yeke gi na vundu na be ti mbi.

Jérémie 52:12

Na lango baleoko ti nze oku ni, so ti tene na ngu baleoko na gumbaya ni so Nabukodonosor, gbia ti Babilone ayeke le-gbia, Nebuzaradan aga na Jérusalem. Nebuzaradan ayeke makonzi ti aturugu ti batango gbia si lo yeke mbeni kota zo na yangbo ti gbia ti Babilone.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”

Daniel 3:9

Ala mu tënë si ala tene na gbia Nabukodonosor, atene: “Gbia na nduzu!

Daniel 5:10

Mama ti gbia ama tënë ti ye so gbia na akota zo ti lo atene si lo li na ndo so ala yeke sara matanga ni daa. Lo mu tënë si lo tene: “Gbia na nduzu! Ayeke nzoni be ti mo agi mo pepe, le ti mo aga nga nde pepe!

Daniel 6:21

So lo yeke ga nduru na du ni, na vundu na be ti lo, lo dekongo ti iri Daniel, lo tene: “Daniel, zo ti kua ti Nzapa so ayeke na fini! Nzapa ti mo so mo ngba ti sara na lo lakue so azi mo na yanga ti abamara ni awe?”

Daniel 6:6

Tongaso azo so atene na popo ti ala, atene: “E yeke wara ande sioni oko ti Daniel pepe si fade e bi tënë na li ti lo ndali ni. E hinga pepe, fade e yeke wara ni na lege ti ndia ti Nzapa ti lo.”

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.