Néhémie 1:9 - Mbeti ti Nzapa - Tënë so amu fini

⁹ Me tongana mbeni lâ, ala kiri na mbi, tongana ala bata atënë ti ndia ti mbi, tongana ala sara ye alingbi na ni, fade mbi yeke bongbi ala na ndo oko. Ataa a gbu ala si a gue na ala na mbeni kodro so ayeke na nda ti sese, mbi yeke kiri na ala na ndo so mbi soro titene iri ti mbi aduti daa.’

Néhémie 1:9 Iomraidhean Croise

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

1 Mbai 16:35

Ala tene: “Soo e! Mo so mo yeke Nzapa ti songo e, mo soo e maa! Zi e na maboko ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.”

Esdras 6:12

Gbia so kue wala mara so kue ake andia ti mbi so si lo tara ti buba kota da ti Nzapa so ayeke na Jérusalem, ndo so Nzapa asoro titene iri ti lo aduti daa, ayeke nzoni Nzapa a pika gbia ni nga na mara ni. Mbi Darius laa mbi mu yanga so: alingbi azo kue asara ye alingbi na ni!”

Abia (Psaumes) 106:47

KOTA GBIA Nzapa ti e, mo soo e maa! Zi e na popo ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.

Abia (Psaumes) 107:3

Ala so lo mu ala na ya ti akodro kue ti To na ti Do, ti Banga na ti Mbongo si lo bongbi ala na ndo oko so, ayeke nzoni ala tene tongaso.

Abia (Psaumes) 147:2

*KOTA GBIA ayeke leke Jérusalem, lo yeke bongbi azo ti Israel so a gbu ala a gue na ala na kodro wande.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 27:12

Na lango ni so, *KOTA GBIA ayeke pika ale ti kobe titene ale ni asigigi, ti londo na *bale ti Efrate ngbii asi na ngu ti Ezipte. Ti ala azo ti Israel, lo yeke ro ala oko na oko tongana ti so a yeke ro ale ti kobe.

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Jérémie 12:15

Me na peko ti so mbi gboto ala na ndö ti sese ni awe, mbi yeke kiri ti baa mawa ti azo ni si mbi yeke kiri na zo oko oko na ndö ti sese ti lo nga na ya ti kodro ti lo.

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 32:37

Lani mbi sara ngonzo na tere ti ala si ngonzo ti mbi ti wâ alondo na tere ti ala. Tongaso, na lege ti sioni ngonzo ti mbi, mbi kangbi ala na ya ti akodro mingi. Me mbi yeke bongbi ala, mbi yeke kiri na ala na ndo so si ala yeke duti na siriri.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Ezekiel 14:6

Ndani laa, alingbi mo tene na azo ti Israel, mo tene: ‘Tënë so Kota Gbia NZAPA atene ayeke so: ala zia ngbene lege ti sarango ye ti ala, ala zia lege ti ayanda ti ala, ala zia peko ti ala na asioni sarango ye ti ala so zo alingbi ti baa na le ti lo fani use pepe so!’

Ezekiel 36:24

“Fade mbi yeke zi ala na popo ti amara nde, mbi yeke mu ala na sese nde nde, mbi yeke bongbi ala si mbi yeke kiri na ala na sese ti ala.

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Zakarii 8:7

Tënë so KOTA GBIA so ayeke na ndö ti dunia kue atene ayeke so: Azo ti mbi so a gbu ala si a gue na ala na akodro ti mbage ti To nga na ti mbage ti Do, fade mbi yeke zi ala.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Ndia ti fani use ni 12:21

Tongana ala lango ayo na ndo so KOTA GBIA Nzapa ti ala asoro titene iri ti lo aduti daa, fade ala lingbi ti fâ bagara, taba wala ngasa so KOTA GBIA amu na ala. Tongaso, fade ala yeke te nyama alingbi na ti so be ti ala aye, alingbi na yanga so mbi mu na ala.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

Ndia ti fani use ni 30:1

Moïse atene: Aye so kue mbi tene tënë ni na ala so ayeke si ande: atënë ti tufa na atënë ti dengo ba so. Na ndembe so *KOTA GBIA Nzapa ti ala ayeke kangbi ala na popo ti amara nde, fade ala yeke gbu li ti ala na ndö ti aye ni so.