Néhémie 1:8 - Mbeti ti Nzapa - Tënë so amu fini

⁸ Mbi gbu gere ti mo, ayeke nzoni mo dabe ti mo na tënë ti mo so mo zia na yanga ti Moïse ti tene na e, mo tene: ‘Tongana ala ke ti zia be ti ala na ndö ti mbi, fade mbi yeke kangbi ala na popo ti amara nde.

Néhémie 1:8 Iomraidhean Croise

Abia (Psaumes) 119:49

Dabe ti mo na tënë so mo tene na mbi, zo ti kua ti mo; mbi zia be ti mbi ti ku tënë ni.

Ezekiel 22:15

Fade mbi yeke kangbi ala na popo ti amara nde, mbi yeke tokua ala na ndo kue na ya ti akodro wande; mbi yeke sara si asarango ye ti ala ti *sioni akai.

Ezekiel 5:10

Na ya ti gbata ni, fade babâ na mama ayeke te amolenge ti ala, amolenge ayeke te babâ na mama ti ala. Mbi yeke fâ ngbanga na li ti ala; ti tanga ti azo so ayeke ngba na fini, mbi yeke kangbi ala kirikiri na ndo kue.

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.