Néhémie 1:7 - Mbeti ti Nzapa - Tënë so amu fini

⁷ E sara ye so ayeke sioni mingi ti ke mo; e ke ti sara ye alingbi na atënë ti ndia ti mo, andia ti mo nga na aye so mo fa na e na lege ti Moïse, zo ti kua ti mo.

Néhémie 1:7 Iomraidhean Croise

1 Agbia 2:3

Sara ye alingbi na yanga so *KOTA GBIA, Nzapa ti mo amu; bata andia ti lo, ambela ti lo, atënë ti yanga ti lo nga na aye so lo fa si ayeke na ya ti mbeti ti *Ndia ti Moïse. Tongaso si aye so kue mo yeke sara, wala aye so mo ye ti sara, fade ayeke ga nzoni.

2 Mbai 25:4

Me lo fâ amolenge ti ala pepe, alingbi na tënë so a su na ya ti mbeti ti *Ndia, so ti tene mbeti ti Moïse. Na ya ti mbeti ni, KOTA GBIA amu yanga, atene: “Alingbi ti fâ ababâ na amama pepe ndali ti siokpari ti amolenge ti ala; alingbi nga ti fâ amolenge pepe ndali ti siokpari ti ababâ na amama ti ala; zo oko oko ayeke kui ndali ti siokpari ti lo wani.”

2 Mbai 27:2

Yotam asara ye so ayeke mbirimbiri na le ti *KOTA GBIA gi tongana ti so babâ ti lo Ozias asara. Ti lo, lo li na ya ti kota da ti KOTA GBIA pepe. Me azo ti kodro ni angba lakue ti sara sioni.

Abia (Psaumes) 106:6

Tongana ti so akotara ti e asara, e sara siokpari, e sara ye ti kirikiri, e sara sioni.

Abia (Psaumes) 89:31

“Tongana ahale ti lo azia *Ndia ti mbi, tongana ala sara ye na lege ti atënë ti ndia ti mbi pepe,

Abia (Psaumes) 89:32

tongana ala ke ti sara ye alingbi na aye so mbi fa si ala bata atënë ti yanga ti mbi pepe,

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Daniel 9:11

Azo ti Israel kue ake ndia ti mo awe; ala gue yongoro na mo si atënë so mo tene, ala ke ti ma ni. Tongaso asioni tënë na atënë ti dengo ba so a su ni na ya ti mbeti ti ndia ti Moïse, zo ti kua ti mo, atënë ni ati na ndö ti e, ngbanga ti so e sara siokpari so ake mo.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Awayango-sandaga 27:34

So ayeke atënë ti ndia so KOTA GBIA amu na Moïse ndali ti azo ti Israel na li ti hoto ti Sinai laa.

Sofonii 3:7

Mbi tene na be ti mbi, mbi tene: ‘Mo gbata so, tongana mo kpe fade mbeto ti mbi, tongana mo ma fade wango ti mbi, ka a yeke buba mo pepe.’ Me lakue so mbi yeke ga ti pika mo, azo ti mo ayeke kpe hio ti sara sioni ahon ndoni.

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.

Aye so Nzapa afa 19:2

Fango ngbanga ti lo ayeke na lege ti taa-tënë si ayeke mbirimbiri! Lo fâ ngbanga na li ti kota wali-ndumba so abuba ndö ti sese na sarango aye ti ndumba ti lo. Nzapa afâ ngbanga na li ti lo ndali ti so lo fâ azo ti kua ti Nzapa.”