Néhémie 1:2 - Mbeti ti Nzapa - Tënë so amu fini

² Hanani, mbeni oko ti a-ita ti mbi, alondo na Juda aga, lo na ambeni koli na tere ti lo. Mbi hunda ala na ndö ti azuife so angba, ala so a gue na ala lani na Babilone pepe; mbi hunda nga ala na ndö ti Jérusalem.

Néhémie 1:2 Iomraidhean Croise

Tongo nda ti aye 14:10

Na popo-hoto ti Sidim ni, azo azi adu mingi ti gi gudron daa. Agbia ti Sodome na Gomore ati na ya ti adu ni na kpengo ti ala. Tanga ti azo ni akpe ague na ndö ti ahoto.

2 Agbia 24:14

Nabukodonosor agbu azo ti Jérusalem kue, lo gue na ala na sese ti Babilone: akota zo kue, na angangu zo ti tiringo bira so kue wungo ti ala ayeke saki baleoko. Awakode-kua kue na azo ti pikango ndao kue, lo gbu ala, lo gue na ala; gi awayere laa angba na ya ti gbata ni.

2 Agbia 25:12

Me makonzi ti aturugu ti batango gbia ni azia ambeni wayere kete na ya ti kodro ni titene ala fâ ayaka ti *vinye na ayaka.

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Ezekiel 6:9

Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.