Néhémie 1:11 - Mbeti ti Nzapa - Tënë so amu fini

¹¹ KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Néhémie 1:11 Iomraidhean Croise

Tongo nda ti aye 24:42

Laso mbi si na yanga ti du ti ngu so, mbi sambela, mbi tene: ‘KOTA GBIA, Nzapa ti wa ti mbi Abraham, sara si tambula ti mbi ague nzoni.

Tongo nda ti aye 32:11

mbi zo ti gbe ti mo, mbi yeke kete mingi; anzoni ye so mo sara na mbi si mo ngba ti sarango ni ngbii asi laso so, mbi lingbi na ni pepe. Biani, mbi hon ando na ya ti ngu ti Jourdain gi na keke oko so ayeke na maboko ti mbi. Fadeso mbi yeke na azo ti mbi nga na anyama so mbi kangbi ala na ya ti bongbi use.

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 40:1

Na peko ti aye so, ambeni kota zo ti kua ti gbia ti Ezipte asara ye ti songo be na gbia ni. Azo ni ayeke makonzi ti azo ti mungo samba na gbia na makonzi ti azo ti zongo mapa ti gbia.

Tongo nda ti aye 40:2

Faraon, gbia ti Ezipte asara ngonzo na tere ti azo use so; makonzi ti azo ti mungo samba na gbia na makonzi ti azo ti zongo mapa ti gbia;

Tongo nda ti aye 40:21

Lo kiri na makonzi ti azo ti mungo samba na lo na kua ti lo si lo yeke mu samba na gbia.

Tongo nda ti aye 40:23

Me makonzi ti azo ti mungo samba na gbia adabe ti lo na Joseph pepe; lo girisa lo biani.

Tongo nda ti aye 41:9

Tongaso makonzi ti azo ti mungo samba na Faraon atene na lo: “Gbia, laso be ti mbi ati na ndö ti sioni so mbi sara lani.

Tongo nda ti aye 43:14

Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”

2 Mbai 6:40

“Fadeso Nzapa ti mbi, mo zi le ti mo, mo zi mê ti mo, mo ma sambela ti mbi so mbi yeke ya na mo na ndo so!

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Néhémie 2:1

Na ngu baleuse ni so Artakzerses ayeke le-gbia, na nze ti Nisan, na ndembe so gbia aduti ti te kobe, mbi mu samba mbi tuku ni na lo. Mbi yeke na vundu; laoko mbi si na dawa ti lo tongaso pepe.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Abia (Psaumes) 106:46

Lo sara si azo so agbu ala si ague na ala na kodro wande, azo ni akiri abaa mawa ti ala.

Abia (Psaumes) 130:2

Kota Gbia, ma dekongo ti mbi; dingi mê ti mo ti ma toto ti mbi!

Abia (Psaumes) 61:5

Mbi ye ti duti na ya ti da ti mo kpu na kpu, ti honde tere ti mbi na gbe ti *kpangi ti mo.

Abia (Psaumes) 86:6

KOTA GBIA, dingi mê ti mo, mo ma sambela ti mbi! Zia mê ti mo, mo ma toto ti mbi!

Amato 1:29

Aye ni ayeke duti tongaso, ngbanga ti so ala ke ti hinga ye; ala ye ti kpe mbeto ti KOTA GBIA pepe.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Jérémie 42:12

Fade mbi yeke baa mawa ti ala; lo nga lo yeke baa mawa ti ala si lo yeke zi lege na ala titene ala kiri na sese ti ala.’ ”

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Ahebro 13:18

Ala sambela ndali ti e. E hinga biani na be ti e, e tene, mbeni ye ti sioni ayeke na be ti e pepe; e ye si sarango ye ti e ayeke nzoni na ya ti aye kue.