Mishe 7:6 - Mbeti ti Nzapa - Tënë so amu fini

⁶ Biani, molenge-koli ayeke iri babâ ti lo zo ti gbogbolinda, molenge-wali ayeke ga wato ti mama ti lo, wali ayeke ga wato ti mama ti koli ti lo; wato ti zo oko oko ayeke azo ti da ti lo wani.

Mishe 7:6 Iomraidhean Croise

Tongo nda ti aye 49:4

Me mo yeke tongana ngu so ayeke sua gi ngangu ngangu so. Mo yeke ngba ande yaya ti a-ita ti mo pepe. Mo lango na ndö ti gbogbo ti mbi, babâ ti mo si mo sara titene gbogbo ti mbi aga sioni.

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Ésaïe 3:5

Azo ayeke sara ngangu na amba ti ala na popo ti ala, zo oko oko ayeke sara ngangu na mba ti lo. Molenge ayeke londo ti tiri na kangba; senge zo ayeke londo ti tiri na kota zo.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 12:6

“Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 9:4

Ala oko oko kue ayeke handa amba ti ala; zo oko ayeke tene taa-tënë pepe. Ala leke menga ti ala ti tene gi atënë ti mvene. Ala sara sioni ngbii awoko ala.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Abdias 1:7

Azo so kue mo na ala aga *ambuki so, ala tumba mo na ya ti kodro ti mo. Azo so mo na ala aye tere mingi so, ala handa mo si ala hon ndö ti mo. Azo so ayeke te lani kobe ti mo so, ala zia kuku na lege ti mo ti gbu na mo. Azo ni ayeke tene: “Lo hinga ndo pepe!”

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 26:23

Jésus akiri tënë na ala: “Zo so mbi na lo, e yeke yoro maboko oko na ya ti sembe, lo laa lo yeke ka mbi.

Nzoni Tënë so Luc asu na mbeti 12:53

Fade babâ ayeke ke molenge ti lo ti koli si molenge-koli ayeke ke babâ ti lo; mama ayeke ke molenge ti lo ti wali si molenge-wali ayeke ke mama ti lo; mama ti koli ayeke ke wali ti molenge ti lo si wali ayeke ke mama ti koli ti lo.”

Nzoni Tënë so Luc asu na mbeti 21:16

Ababâ ti ala, amama ti ala, a-ita ti ala, asongo ti ala na amba ti ala so ala na ala aye tere ayeke ka ala; a yeke fâ ambeni zo mingi na popo ti ala.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.