Mishe 7:4 - Mbeti ti Nzapa - Tënë so amu fini

⁴ Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Mishe 7:4 Iomraidhean Croise

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 22:5

Biani, laso Kota Gbia, NZAPA so ayeke na ndö ti dunia kue atokua ye ti ziango kota mbeto na be ti e, lo sara si e ti na gbe ti awato si ye aga kirikiri na e.” Na popo-hoto, ndo so ye asigigi daa na ya ti mbeni ye tongana bango-li, kota gbagba ati na sese awe; dekongo ti azo ague ngbii asi na li ti ahoto.

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Jérémie 10:15

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 11:23

Zo oko ayeke ngba na fini pepe, na ngu so mbi yeke ga na tere ti azo ti Anatot si mbi yeke tokua kpale na ndö ti ala.”

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Ezekiel 2:6

“Ti mo, molenge ti zo, sara mbeto ti ala pepe, sara mbeto ti tënë ti yanga ti ala pepe. Azo ni ayeke dekite na mo mingi; ye ni ayeke duti, mo baa mo tene, mo yeke na popo ti aki wala mo duti na ndö ti akparakongo. Me mo sara mbeto ti tënë ti yanga ti ala pepe, tere ti mo ado na le ti ala pepe. Biani, ala yeke azo ti mara ti ngangu li.

Ezekiel 28:24

“Fade amara nde so alango nduru na azo ti Israel ayeke kiri ti baa ala tongana mbumbuse ye pepe. Amara ni ayeke kiri ti duti tongana akeke ti ki ti kpo azo ti Israel pepe, ti suru ala na ka pepe. Tongaso, fade azo ayeke hinga atene, mbi laa mbi yeke KOTA GBIA.

Amos 8:2

Lo hunda mbi, lo tene: “Amos, nyen laa mo baa, nyen?” Mbi kiri tënë: “Mbi baa mbeni sakpa so abengo le ti keke ayeke na ya ni.” Tongaso *KOTA GBIA atene na mbi: “Awe! Ti azo ti mbi, Israel, ye ni abe awe! Mbi yeke kiri ti kanga le na ndö ti sioni ti ala mbeni pepe.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nzoni Tënë so Luc asu na mbeti 21:25

“Fade ambeni ye ti kpene ayeke sigigi na le ti lâ, na le ti nze, na le ti atongoro. Na ndö ti sese, fade be ti azo kue ayeke gi na nduzu, ala yeke duti gi na mbeto ndali ti toto ti kota ngu-ingo na *amapo ni.

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.