Mishe 7:20 - Mbeti ti Nzapa - Tënë so amu fini

²⁰ Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Mishe 7:20 Iomraidhean Croise

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

Tongo nda ti aye 32:10

Na pekoni, Jacob asambela, atene: “Nzapa ti babâ ti mbi Abraham, Nzapa ti babâ ti mbi Isaac, mo KOTA GBIA so mo tene na mbi, mo tene: ‘Kiri na kodro ti mo na ti asewa ti mo; fade mbi yeke sara nzoni na mo’,

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Ndia ti fani use ni 7:12

Tongana ala dingi mê ti ala ti ma atënë ti ndia ni, tongana ala bata ni si ala sara ye alingbi na ni, fade KOTA GBIA ayeke bata ndali ti ala tënë ti mbuki so lo na akotara ti ala asara ni; lo yeke ngba ti sara nzoni be na ala.

Ndia ti fani use ni 7:8

Me KOTA GBIA aye ala, lo ye ti sara ye so lo deba yanga ti lo lani daa na akotara ti ala. Nilaa, na lege ti ngangu ti maboko ti lo, lo sara si ala sigigi na sese ti Ezipte, ndo so lani ala yeke angbaa daa. Lo zi nga ala na gbe ti komandema ti Faraon, gbia ti Ezipte.