Mishe 7:17 - Mbeti ti Nzapa - Tënë so amu fini

¹⁷ Fade ala yeke su fuku ti sese tongana ngbo, tongana anyama so ayeke hara na sese. Na mbeto na be ti ala, ala yeke sigigi na ya ti angangu gbagba ti ala ti bira ti ga na mo KOTA GBIA, Nzapa ti e. Fade mbeto ayeke hon ndö ti ala mbeto ti mo ayeke sara ala.

Mishe 7:17 Iomraidhean Croise

2 Samuel 22:46

Be ti awande ni awoko kue awe; tongana ala londo na ya ti gbagba ti bira ti ala ti sigigi, tere ti ala ayeke do dongo.

2 Mbai 17:10

Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

Abia (Psaumes) 18:45

Mbi tene gi tënë oko, ala sara ye alingbi na ni; awande awoko mbi na anzerengo tënë.

Abia (Psaumes) 72:11

Agbia kue ayeke kuku na gbe ti lo, amara kue ayeke sara kua na lo.

Abia (Psaumes) 72:9

Fade azo ti benyama ayeke kuku na gbe ti lo, awato ti lo ayeke su fuku ti sese.

Abia (Psaumes) 9:20

KOTA GBIA, londo! Ayeke nzoni zo ahon ndö ti mo pepe! Ayeke nzoni mo fâ ngbanga ti amara nde na dawa ti mo.

Ésaïe 25:3

Ndani laa mbeni ngangu mara ayeke gonda mo, gbata ti amara so ayeke sara ngangu na azo ayeke kpe mbeto ti mo.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Ésaïe 65:25

Fade mbo ti ngonda na molenge ti taba ayeke te kobe na ndo oko; bamara ayeke te pere tongana bagara. Ngbo ayeke te fuku ti sese. Na ndö ti hoto ti mbi so ayeke nde si ayeke nzoni kue, sarango sioni ayeke kiri ti duti daa pepe, bubango ye ayeke kiri ti duti daa pepe. Tënë so KOTA GBIA atene laa.”

Ésaïe 7:19

Ala yeke ga si ala kue ayeke duti na popo ti ahoto so têne ayeke daa, na popo ti atêne so asuru, na popo ti akeke so agbu tere nga na ando so kue anyama ayeke te pere daa.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Abia ti demango tere 3:29

Ayeke nzoni lo yoro yanga ti lo na ya ti fuku sese. E hinga pepe, fade lo lingbi ti wara nzoni ye so lo yeke ku.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.

Ndia ti fani use ni 32:24

Tongana ala woko kue na nzara awe, tongana kobela ti wâ ahon ndö ti ala si akobela ti bubango kodro ahon ndö ti ala awe, mbi yeke tokua asioni nyama nga na asioni ngbo na tere ti ala.

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”