Mishe 7:14 - Mbeti ti Nzapa - Tënë so amu fini

¹⁴ KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Mishe 7:14 Iomraidhean Croise

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 143:5

Mbi dabe ti mbi na alango ti giriri, mbi gbu li ti mbi na ndö ti aye so kue mo sara, be ti mbi ati na ndö ti aye so maboko ti mo asara.

Abia (Psaumes) 28:9

Mo soo azo ti mo; mo sara tufa na ndö ti ye so aga ti mo awe. Duti tongana wabatango-taba, mo bata ala; mo sara na ala lakue lakue!

Abia (Psaumes) 95:7

Biani, lo yeke Nzapa ti e; e yeke azo ti lo so lo yeke bata e, ataba so lo yeke fa lege na ala. Laso, ala ma tënë so lo tene:

Sigingo 33:16

Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

B. ti abia 4:1

Mo pendere mingi, mo so mbi ye mo so, mo pendere mingi! Na gbe ti mapia-bongo so mo bi na li ti mo, le ti mo apendere tongana ambipa. Kua ti li ti mo ayeke tongana gba ti angasa so alondo na li ti hoto ti Galaad ti zu na sese.

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Jérémie 49:31

Ala londo! Mara so aduti ti lo gi kpoo so, ala gue, atiri bira na lo! So tënë ti yanga ti KOTA GBIA laa. Azo ni abaa lani atene, sioni ye ayeke si na ala pepe; ada ti ala, yanga ni ayeke daa pepe, kerere ayeke nga daa pepe; ala duti ti ala lani yamba!

Abia ti demango tere 1:7

Gbata ti Jérusalem aga buba awe, gbata ni aga tongana mbeni zo so ayeke hon kirikiri, ngbonda ti lo agbu sese pepe. Na ya ti alango ni so, lo dabe ti lo na amosoro ti lo so lo yeke na ni ando. Fadeso azo ti gbata ti Jérusalem kue ati na ya ti maboko ti awato awe, zo ti ga ti mu maboko na ala ayeke daa pepe. Awato abaa gbata ti Jérusalem ni, ala yeke he ni hengo, ngbanga ti so gbata ni akiri angba gbata pepe.

Abia ti demango tere 5:21

KOTA GBIA, ayeke nzoni mo kiri na e na tere ti mo, fade e kiri, e ga nduru na mo. Mo kiri mo mu na e fini tongana ti so ando e yeke na ni so!

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Awayango-sandaga 27:32

Âdu ti abagara, ataba na angasa, fade a yeke zia nzoroko na tere ti nyama oko na popo ti anyama baleoko si a yeke zia oko ni nde ndali ti KOTA GBIA.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Abdias 1:19

Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Zakarii 10:10

Mbi yeke zi ala na kodro ti Ezipte nga na kodro ti Asirii ti sigigi na ala, mbi yeke bongbi ala na ndo oko; mbi yeke sara si ala kiri na sese ti Galaad nga na sese ti Liban. Ataa so kue, ndo ayeke lingbi ala pepe.

Zakarii 11:7

Tongaso mbi ga wabatango-taba ti ataba so azo ti kango ala asoro ala ti gue na ala na ndo ti fango ala. Mbi mu anduru keke use ti awabatango-taba. Mbi di iri ti mbeni keke ni “Nzoni be”, mbi di iri ti mbeni “Beoko”. Na pekoni, mbi gue ti bata ataba ni.

Malashii 3:4

Tongaso, aye so azo ti Juda na azo ti Jérusalem ayeke mu na KOTA GBIA ayeke nzere na be ti lo tongana ti giriri, tongana ti angu so ahon ando so.

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Wungo ti azo 32:1

Azo ti mara ti Ruben na ti Gad ayeke na gba ti anyama, anyama ni awu ahon ndoni. Nilaa ala baa so sese ti Yazer na ti Galaad ayeke anzoni sese ndali ti batango anyama.

Wungo ti azo 32:4

so kue ayeke sese so *KOTA GBIA amu lani maboko na azo ti Israel si ala mu ni na lege ti bira awe. Sese ni ayeke nzoni sese ndali ti batango anyama; baa, e yeke na gba ti anyama.”

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Jean 17:16

Ala yeke azo ti dunia so pepe, tongana ti so mbi nga, mbi yeke zo ti dunia so pepe.

Ndia ti fani use ni 33:28

Azo ti Israel aduti na siriri; *ahale ti Jacob aduti nde na ya ti mbeni kodro so ale ti kobe na fini vin ayeke daa, ngu ti pere alondo na yayu si ayeke ti na ndö ni.