Mishe 7:11 - Mbeti ti Nzapa - Tënë so amu fini

¹¹ Lango titene a kiri ti leke gbagba ti tere ti gbata ti mo ayeke ga. Na lango ni so, fade azo ayeke kiri ti kono ya ti kodro ti mo.

Mishe 7:11 Iomraidhean Croise

Néhémie 2:17

Tongaso, mbi tene na ala: “Ala baa mawa so e yeke na ya ni so! Gbata ti Jérusalem ati awe, wâ agbi ayanga ti gbagba ni kue awe. E londo, e kiri e leke gbagba ti Jérusalem, tongaso si e zi kamene na le ti e!”

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Néhémie 4:3

Tongaso e sambela Nzapa ti e si e zia asanziri ti duti bi na lâ ti kanga lege na ala.

Néhémie 4:6

Andaa azuife so alango nduru na awato ti e si ala yeke na ando nde nde aga fani baleoko si atene na e: “Ala kiri na ndo ti e!”

Ésaïe 54:11

“Mo Jérusalem, gbata ti mawa! Mo so ngangu pupu ayingi mo so, zo oko ti de be ti mo ayeke daa pepe! Ye so mbi *KOTA GBIA, mbi yeke sara ayeke so: mbi yeke kiri ti leke mo na têne so a sara anzoroko na tere ni; mbi yeke kiri ti sara gere ti gbagba ti mo na têne ti safir.

Ésaïe 54:2

Kono ya ti da ti bongo ti mo, gboto ya ti abongo ni titene da ni akono ahon ti kozo ni. Aye so mo mu ti sara na kua ti da ni, mo zia be ti mo na ndö ti angere ni pepe. Sara si akamba ti da ni ayo, mo kpo akeke ti da ni akpengba.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.