Mishe 6:9 - Mbeti ti Nzapa - Tënë so amu fini

⁹ *KOTA GBIA ayeke dekongo na azo ti gbata ni. Zo so ayeke na ndara, fade lo yeke kpe mbeto ti lo. “Ala azo ti mara ti Juda na ala so abongbi na ya ti gbata ni, ala ma si!

Mishe 6:9 Iomraidhean Croise

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

Mbeti ti Job 10:2

Fade mbi yeke tene na Nzapa: Fâ ngbanga na li ti mbi pepe. Tënë so mo bi na li ti mbi so, fa na mbi ni si mbi hinga.

Mbeti ti Job 23:14

Ye so lo leke na be ti lo ti sara na mbi, fade lo yeke sara ni; mara ti aye ni so angba mingi na be ti lo ti sara.

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Abia (Psaumes) 48:10

Nzapa, so e yeke na ya ti kota da ti mo, e yeke dabe ti e na nzoni be ti mo.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 30:27

Baa, *KOTA GBIA wani alondo yongoro si lo yeke ga. Ngonzo ti lo ayeke tongana wâ so ayeke nika ye si ayeke gbi ndo. Yanga ti lo asi singo na ngonzo; menga ti lo ayeke tongana wâ so ayeke gbi ye kue.

Ésaïe 66:6

Mbeni wuluwulu alondo na gbata, mbeni go alondo na ya ti kota da ti Nzapa: so go ti KOTA GBIA laa. Lo yeke kiri na awato ti lo peko ti sarango ye ti ala.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 47:7

– Me yongoro zeme ni alingbi ti wu tere ti lo tongana nyen? KOTA GBIA laa amu yanga na lo ti gue ngbii ti si na Askalon nga na tere ti kota ngu-ingo. Ndo so lo mu yanga na lo ti si daa laa.”

Ezekiel 7:9

Mbi yeke baa mawa ti zo oko pepe, mbi yeke zia zo oko pepe. Mbi yeke futa ala alingbi na sarango ye ti ala nga na asioni ye so ala sara si zo alingbi ti baa na le ti lo fani use pepe so; aye ni kue ayeke na popo ti ala. Tongaso, fade ala yeke hinga atene, mbi laa mbi KOTA GBIA laa, mbi yeke pika ala.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Sofonii 3:2

Gbata ni ama iringo ndo pepe, lo ma wango pepe, lo zia be ti lo na ndö ti *KOTA GBIA pepe, lo ga nduru na Nzapa ti lo pepe.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!