Mishe 6:7 - Mbeti ti Nzapa - Tënë so amu fini

⁷ Akoli-taba gbani gbani laa KOTA GBIA ayeke ye tënë ni? Gba ti mafuta so ayeke sua tongana kota ngu? Fade mbi mu kozo molenge ti mbi na sandaga ndali ti sarango ye ti kirikiri ti mbi? Mbi mu molenge ti ya ti mbi wani ndali ti siokpari ti mbi?”

Mishe 6:7 Iomraidhean Croise

2 Agbia 16:3

Me lo mu peko ti sarango ye ti agbia ti Israel. Lo gue daa ti gbi molenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

2 Agbia 21:6

Lo gbi molenge ti lo ti koli na wâ ti mu na *sandaga; lo gi nda ti aye, lo sara mazi; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Agbia 23:10

Yosias asara si Tofet so ayeke na popo-hoto ti Hinom aga *sioni, tongaso si azo akiri agbi amolenge ti ala ti koli na ti wali na wâ pepe ti mu na *sandaga na nzapa Molek.

2 Agbia 3:27

Tongaso gbia ti Moab amu kozo molenge ti lo ti koli, lo so alingbi fade ti ga gbia na peko ti lo; lo mu molenge ni na sandaga so a yeke gbi ni kue na wâ na ndö ti gbagba ti gbata ni. Ngonzo agbu azo ti Israel ngangu mingi, nilaa ala zia lo si ala kiri na kodro ti ala.

Mbeti ti Job 29:6

amosoro ti mbi ayeke gbani gbani tongana ngu ti *bale, du ti mbi so mbi yeke pete ale ti olive daa, mafuta ayeke sigigi daa tongana akete ngu.

Abia (Psaumes) 50:9

Akoli-bagara ti da ti mo, nyen laa mbi yeke sara na ni, nyen? Akoli-ngasa ti gbagba ti mo, nyen laa mbi yeke sara na ni, nyen?

Abia (Psaumes) 51:16

O Nzapa, wasongo mbi, zi ngbanga ti mene na li ti mbi; ngbanga ti mene so mbi tuku so. Fade mbi yeke he bia na ngia ti fa ye ti mbirimbiri so mo sara na mbi.

Abia (Psaumes) 51:18

Mo ye *sandaga pepe. Tongana mo ye fade sandaga ti anyama so a gbi ni kue na wâ, ka mbi mu ni na mo awe; me so laa anzere na be ti mo pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 40:16

Anyama kue ti Liban alingbi pepe titene a mu na *sandaga so a yeke gbi ni kue na wâ. Akeke ni alingbi nga pepe titene a sara na wâ ti gbi na sandaga ni.

Jérémie 19:5

Ala leke mbeni ndo na li ti hoto ndali ti *Baal. Kâ, ala yeke gbi amolenge ti ala na wâ ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni, mbi tene tënë tongaso oko pepe, mbeni tënë tongaso aga na li ti mbi laoko pepe.

Jérémie 6:20

Dukani so ala mu kâ na Saba a ga na ni na mbi so, nyen laa mbi yeke sara na ni, nyen? Pere ti sarango na yombo so afun nzoni si ala mu kâ na mbeni kodro yongoro aga na ni na mbi so, nyen laa mbi yeke sara na ni, nyen? Be ti mbi ake tënë ti asandaga ti ala so a yeke gbi ni kue na wâ; asandaga ti anyama ti ala anzere na mbi pepe.

Jérémie 7:31

Na popo-hoto ti Hinom, ala leke ndo na li ti hoto so ala di iri ni Tofet. Kâ, ala yeke gbi na wâ amolenge ti ala ti koli na ti wali ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni; mbeni tënë tongaso aga na li ti mbi laoko pepe.

Ezekiel 23:37

Ala yeke awali so alango na akoli nde, maboko ti ala atuku mene. So ala voro ayanda so, so langongo na akoli nde laa. Amolenge-koli so ala du na mbi, ala fâ ala ti mu na *sandaga na ayanda ni titene amolenge ni aga kobe ti ayanda ni.

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Awayango-sandaga 20:1

*KOTA GBIA atene na Moïse:

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Philémon 1:12

Fadeso mbi yeke kiri lo na mo, lo yeke tongana mbeni mbage ti tere ti mbi wani.

Awafango-ngbanga 11:31

kozo zo so ayeke sigigi na ya ti da ti mbi ti ga ti yamba mbi, na kiringo ti mbi na peko ti kindango azo ti Amon, zo ni ayeke ga ti KOTA GBIA; mbi yeke mu lo na *sandaga so a yeke gbi ni kue na wâ na KOTA GBIA.”

Awafango-ngbanga 11:39

Na peko ti nze use, molenge ni akiri na tere ti babâ ti lo si babâ ni asara na lo alingbi na zendo so lo mu. Andaa molenge-wali ni ade ti hinga koli pepe. Ye ni so aga mbeni ndia na sese ti Israel.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.