Mishe 6:5 - Mbeti ti Nzapa - Tënë so amu fini

⁵ Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Mishe 6:5 Iomraidhean Croise

Abia (Psaumes) 111:4

Lo ye titene azo adabe ti ala na aye ti kpene so lo sara; KOTA GBIA ayeke sara nzoni be na zo si lo yeke baa mawa ti zo.

Abia (Psaumes) 143:11

KOTA GBIA, ndali ti iri ti mo, sara si mbi ngba na fini; na lege ti mbirimbiri ti mo, zi mbi na ya ti ye ti ngangu.

Abia (Psaumes) 36:10

Aye kue abaa gigi gi na lege ti mo; e ngba na fini gi na lege ti lumiere ti mo.

Abia (Psaumes) 71:19

Nzapa, batango tënë ti yanga ti mo so mo yeke bata ague ngbii asi na le ti nduzu! Mo sara akota ye mingi! Nzapa, zo wa laa alingbi na mo, zo wa?

Ésaïe 1:27

Fade a yeke soo *Sion na lege ti fango ngbanga ti mbirimbiri; azo ti gbata ni so azia ngbene lege ti sarango ye ti ala, a yeke soo ala na lege ti sarango ye na legeni.

Wungo ti azo 22:41

Na ndaperere, Balak amu Balaam si lo na lo ague na Bamot-Baal. Kâ, zo alingbi ti baa mbeni mbage ti azo ti Israel.

Wungo ti azo 23:27

Balak atene na Balaam: “Ga, mbi kiri mbi gue na mo na mbeni ndo nde. E hinga pepe, fade Nzapa ayeke yeda titene na ndo so kâ, mo deba azo so na mbi.”

Wungo ti azo 25:1

Azo ti Israel aduti na Shitim. Na ndo so, ala to nda ti gingo awali ti mara ti Moab kirikiri.

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

Wungo ti azo 31:16

Ala hinga kue, lani na ya ti tënë ti Peor, awali ti mara ti Madian laa ama wango ti Balaam si ala pusu azo ti Israel ti sara siokpari ti ke KOTA GBIA. Ndani laa, kobela ti bubango kodro ati lani na ndö ti bongbi ti azo ti Israel.

Wungo ti azo 31:8

Ala fâ nga agbia oku ti sese ti Madian: Evi, Rekem, Sur, Hur na Reba. Ala fâ nga Balaam, molenge ti Beor.

Wungo ti azo 33:49

Ala sara bâbâ ti ala na lando ti Moab, na yanga ti ngu ti Jourdain, na popo ti Bet-Yeshimot na Abel-Shitim.

Efeze 2:11

Azuife ayeke azo so afâ *ganza; ganza ni ayeke ye so maboko ti zo laa asara, ala ye titene azo airi ala “aganza”. Ala so a du ala amara nde, ala yeke fâ ganza pepe si azuife ayeke iri ala “apopö.” Ayeke nzoni ala dabe ti ala na lege ti dutingo ti ala ti kozoni:

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.

Ndia ti fani use ni 23:6

Me KOTA GBIA Nzapa ti ala ake ti ma Balaam. KOTA GBIA Nzapa ti ala asara si tënë ti dengo ba ni akiri aga tënë ti tufa na ndö ti ala, azo ti Israel, ngbanga ti so KOTA GBIA aye ala.

Ndia ti fani use ni 8:18

Alingbi ala dabe ti ala so KOTA GBIA Nzapa ti ala laa amu na ala ngangu ti wara amosoro so. Nilaa laso, lo fa lo tene, lo ngba ti bata tënë ti *mbuki so lo na akotara ti ala asara ni ando.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Ndia ti fani use ni 9:7

Moïse atene: Ala azo ti Israel, alingbi ala dabe ti ala na ye so: ala zia lani ngonzo na be ti *KOTA GBIA Nzapa ti ala na benyama. Alingbi be ti ala agirisa na ni laoko pepe! Ti londo na lango so ala sigigi na Ezipte si ala ga ngbii asi ge so, ala tomboka na tere ti KOTA GBIA lakue.

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 3:1

Na ndaperere so ndo angba kâ, Josué na azo ti Israel kue alondo na Shitim, ala gue na yanga ti ngu ti Jourdain. Ala lango na ndo so kozoni si ala fâ ngu ni.

Josué 4:19

Azo ti Israel afâ ngu ti Jourdain na lango baleoko ti kozo nze ti ngu ni. Ala sara bâbâ ti ala na Gilgal, na To ti Jéricho.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

Awafango-ngbanga 11:25

Mo yeke ngangu mo hon Balak, molenge ti Sipor, gbia ti Moab? Laoko lo gi tënë na azo ti Israel, wala ti sara bira na ala?

Awafango-ngbanga 5:11

Na tere ti adu ti ngu, ala ma go ti azo ti kangbingo ngu. Kâ, ala yeke he bia ti gonda na Nzapa, ngbanga ti anzoni ye so lo sara na amakonzi ti Israel. Tongaso, azo ti KOTA GBIA azu na yanga ti gbata.

1 Samuel 12:7

Fadeso, ala luti na le ti ngbanga na dawa ti KOTA GBIA. Mbi yeke dabe ti ala na anzoni ye so lo sara ndali ti ala nga ndali ti akotara ti ala.