Mishe 6:4 - Mbeti ti Nzapa - Tënë so amu fini

⁴ Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Mishe 6:4 Iomraidhean Croise

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 3:10

Fadeso, mbi yeke tokua mo. Gue na ndo ti gbia Faraon, mo zi azo ti Israel, azo ti mbi na sese ti Ezipte, mo sigigi na ala!”

Sigingo 4:10

Moïse atene na KOTA GBIA: “KOTA GBIA, mbi gbu gere ti mo! Ngbene ye ngbii asi laso, ataa so mo ngba ti tene tënë na mbi fadeso, mbi hinga ti tene tënë nzoni pepe. Yanga ti mbi na menga ti mbi ane nengo na tenengo tënë.”

Sigingo 4:16

Lo laa lo yeke tene tënë na iri ti mo na azo; lo yeke tene peko ti tënë ti yanga ti mo na azo. Ti mo, mo yeke duti tongana nzapa ti lo.

Sigingo 6:27

Moïse na Aaron laa atene tënë na Faraon, gbia ti Ezipte titene lo zia lege na azo ti Israel ti sigigi na ya ti kodro ti lo.

Jérémie 32:21

Na lege ti aye ti dongo be na aye ti kpene, mo sara si Israel, azo ti mo, asigigi na sese ti Ezipte; ala sigigi na lege ti ngangu ti maboko ti mo nga na lege ti maboko ti mo so mo yoro.

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Wungo ti azo 12:1

Moïse amu lani mbeni wali ti mara ti Kush ti ga wali ti lo. Miriam na Aaron apa lo ndali ti wali so lo mu so.

Wungo ti azo 33:1

So ayeke akapa ti tambula ti azo ti Israel, ngbene ye so ala londo na Ezipte na lege ti amolongo ti ala, na gbe ti komandema ti Moïse na Aaron.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Ndia ti fani use ni 15:15

Ayeke nzoni ala dabe ti ala so ala wani, ala yeke ando angbaa na sese ti Ezipte si KOTA GBIA Nzapa ti ala azi ala. Ndani laa, mbi yeke mu yanga so na ala laso.

Ndia ti fani use ni 24:18

Ayeke nzoni ala dabe ti ala so ala yeke ando angbaa na sese ti Ezipte si *KOTA GBIA Nzapa ti ala azi ala na gbe ti ngbaa ni. Ndani laa, mbi mu yanga na ala ti sara ye alingbi na andia so.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 5:6

“Mbi yeke KOTA GBIA Nzapa ti mo; mbi laa mbi sara si mo sigigi na sese ti Ezipte, ndo so mo yeke lani ngbaa daa.

Ndia ti fani use ni 7:8

Me KOTA GBIA aye ala, lo ye ti sara ye so lo deba yanga ti lo lani daa na akotara ti ala. Nilaa, na lege ti ngangu ti maboko ti lo, lo sara si ala sigigi na sese ti Ezipte, ndo so lani ala yeke angbaa daa. Lo zi nga ala na gbe ti komandema ti Faraon, gbia ti Ezipte.

Ndia ti fani use ni 9:26

Mbi sambela lo, mbi tene: “Kota Gbia NZAPA, mo fâ azo ti mo kue pepe, ala ga ye ti mo awe; mo zi ala na lege ti kota ngangu ti mo, mo sara si ala sigigi na Ezipte na lege ti ngangu ti maboko ti mo.

1 Samuel 12:6

Samuel akiri atene na azo ni: “KOTA GBIA ama ala awe, lo so airi ando Moïse na Aaron ti mu akotara ti ala na sese ti Ezipte si asigigi na ala.