Mishe 6:3 - Mbeti ti Nzapa - Tënë so amu fini

³ lo tene: “Ala azo ti mbi, nyen laa mbi sara na ala, nyen? Ye so mbi sara si awoko ngangu ti ala so ayeke nyen? Ala kiri tënë na mbi!

Mishe 6:3 Iomraidhean Croise

Abia (Psaumes) 50:7

Azo ti mbi, ala ma mbi, mbi yeke tene tënë na ala; azo ti Israel, mbi yeke bi tënë na li ti ala: mbi laa mbi yeke Nzapa, Nzapa ti ala!

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

Abia (Psaumes) 81:8

So lani mo yeke na ya ti ye ti ngangu si mo dekongo na mbi so, mbi zi mo na ya ni. Mbi kiri tënë na mo na ya ti mbinda; mbi tara be ti mo na tere ti ngu ti Meriba. Luti kete

Ésaïe 5:4

Yaka ti vinye ti mbi ni, nyen laa mbi yeke kiri ti sara ahon ye so mbi sara na lo awe so? Mbi ku fade anzoni lengo ni; ngbanga ti nyen si lo le afungo ni so-oo?

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.