Mishe 6:16 - Mbeti ti Nzapa - Tënë so amu fini

¹⁶ Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”

Mishe 6:16 Iomraidhean Croise

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 9:8

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe, lo yeke huru yanga ti lo si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen?’

2 Agbia 16:3

Me lo mu peko ti sarango ye ti agbia ti Israel. Lo gue daa ti gbi molenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

2 Agbia 21:3

Ando so azo aleke na ndö ti ahoto ti voro anzapa nde daa, babâ ti lo Ezekias azi ni kue; me Manase akiri aleke ni. Lo sara agbalaka ndali ti *Baal, lo leke mbeni keke aluti na nduzu ndali ti nzapa-wali *Ashera tongana ti so Akab, gbia ti Israel asara ando. Manase akuku na gbe ti aye mingi mingi so ayeke na le ti nduzu si lo sara na ala.

2 Mbai 22:4

Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

2 Mbai 34:25

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ti wâ ayeke tuku na ndö ti gbata so; ngonzo ni ayeke kai ande pepe.

Abia (Psaumes) 1:1

Ti lo nzoni, zo so ake ti tambula na lege ti wango ti azo ti sioni, zo so ake ti luti ndo oko na azo ti siokpari, zo so ake ti duti na popo ti azo ti hengo Nzapa.

Abia (Psaumes) 44:13

Mo ka azo ti mo na kete ngere, mo wara ye oko na peko ni pepe.

Abia (Psaumes) 44:14

Mo mu lege na azo so alango nduru na e ti zonga e; e ga ye ti buba na le ti azo so angoro e, ala yeke he e na ngia.

Ésaïe 25:8

Lo yeke mingo kuâ biani biani. Kota Gbia NZAPA ayeke mbo ngu ti le ti azo kue; lo yeke zi kamene na le ti azo ti lo na ndö ti sese so kue. KOTA GBIA laa atene tënë so.

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 19:8

Mbi yeke sara si gbata so aga ye ti dongo be na ye so azo ayeke huru yanga ti ala na bango ni. Azo so kue ayeke hon na tere ni, fade li ti ala ayeke kpe si ala yeke huru yanga ti ala ndali ti akota kpale so asi na gbata ni.

Jérémie 25:18

Mbi to nda ni na Jérusalem nga na gbata ti sese ti Juda na agbia ni, na akota zo ti kodro ni. Mbi sara si agbata ni aga ndo ti gba ti atêne si aga ye ti dongo be, ye so azo ayeke huru yanga ti ala na bango ni; aga tapande ndali ti azo so ayeke deba amba ti ala. Ye so asi laso laa.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 51:51

“Kamene ahon ndö ti e na ndembe so e ma zonga so azo azonga na e. Li ti e kue aba na kamene na ndembe so awande ali na da ti KOTA GBIA so ayeke nde si ayeke nzoni kue.”

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Abia ti demango tere 5:1

*KOTA GBIA, aye so kue asi na e so, ayeke nzoni be ti mo agirisa na ni pepe. Zi le ti mo, mo baa zonga so azo ayeke zonga na e so!

Ezekiel 39:26

Tongaso, fade be ti ala ayeke girisa na gba ti kamene ti ala nga na asioni ye so kue ala sara ti ke mbi. Ala yeke kiri ti duti na siriri na ndö ti sese ti ala; zo oko ti sara titene tere ti ala ado na mbeto ayeke daa pepe.

Daniel 9:16

Kota Gbia, mo sara ando aye ti mbirimbiri mingi. Tongaso, ayeke nzoni sioni ngonzo ti mo ahon yongoro na tere ti Jérusalem, gbata ti mo na hoto ti mo so ayeke nde si ayeke nzoni kue so. Ndali ti siokpari ti e na ti akotara ti e, amara so kue angoro e ayeke zonga Jérusalem na azo ti mo.

Osée 12:14

Me na lege ti mbeni wayanga-Nzapa, KOTA GBIA amu Israel na kodro ti Ezipte asigigi na lo; na lege ti mbeni wayanga-Nzapa laa KOTA GBIA abata lo.

Osée 5:11

“Azo asara ngangu mingi na Efraim, azo afâ ngbanga ti lo na legeni oko pepe, ngbanga ti so lo ye ti kpe gi na peko ti asenge senge ye.

Mishe 2:6

Ambeni zo ni ayeke diko gba ti atënë na tere ti mbi, atene: “Zia ti diko gba ti atënë so! Zia ti diko gba ti atënë so, mo tene: nyen na nyen kue, Nzapa ayeke zia kamene na le ti e so.

Mishe 6:13

Ndani laa, mbi pika ala sioni sioni si ala ti na kobela; mbi buba aye ti ala kue ndali ti asiokpari ti ala.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.