Mishe 6:12 - Mbeti ti Nzapa - Tënë so amu fini

¹² Azo ti mosoro ti gbata ni ayeke sara gi ngangu na zo; azo ti gbata ni ayeke tene gi mvene. Tënë so ayeke sigigi na yanga ti ala ayeke gi tënë ti handango zo.

Mishe 6:12 Iomraidhean Croise

Abia (Psaumes) 120:2

“KOTA GBIA, zi mbi na maboko ti azo ti mvene, zi mbi na maboko ti azo so tënë ti yanga ti ala gi mvene so!”

Abia (Psaumes) 35:20

Tënë ti siriri ayeke na yanga ti ala laoko pepe; ala yeke du mvene na li ti azo ti kodro so ayeke duti ti ala kpoo.

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Jérémie 9:8

So tënë ti yanga ti KOTA GBIA laa: Ndali ti ye tongaso, fade mbi yeke ga na tere ti ala pepe? Mara ti azo tongaso, mbi yeke kiri na ala peko ti sioni so ala sara so pepe?”

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 6:4

Ala yeke lango na ndö ti gbogbo so a sara na pembe ti doli; ala yeke lango na ya ti ayongoro ngende, ala yeke te akete taba nga na akete bagara ti mafuta so a soro ala na ya ti gbagba ti batango ala.

Sofonii 1:9

Na lango ni so, fade mbi yeke ga na tere ti azo so kue ayeke huru hurungo ti li na ya ti da, ala so ayeke sara si ya ti da ti makonzi ti ala asi singo na aye so ala gbu na ngangu nga na aye so ala wara na lege ti handango zo.

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Awatokua 24:9

Azuife ayeda na peko ti tënë ni si ala tene, tënë ni kue ayeke taa-tënë.

Rome 3:13

Tënë ti yanga ti ala ayeke fâ zo fango, menga ti ala ayeke ti handango na zo, tënë ti yanga ti ala ayeke sara sioni tongana ngu ti yanga ti ngbo.